हाफीज सईदच्या नजरकैदेत दोन महिन्यांची वाढ

लाहोर - मुंबईवर 26/11ला झालेल्या दहशतवादी हल्ल्याचा मास्टरमाईंड हाफिज सईद याच्या नजरकैदेत दोन महिन्यांची वाढ करण्यात आली आहे. शांतता कायम राखण्यासाठी हा निर्णय घेण्यात आला आहे.

जमात-उद-दावा या दहशतवादी संघटनेचा म्होरका असलेल्या हाफीज सईदला 31 जानेवारीपासून नजरकैदेत ठेवण्यात आले आहे. एप्रिल महिन्यात त्याच्या नजरकैदेत तीन महिन्यांची वाढ करण्यात आली होती. आता आणखी दोन महिन्यांची वाढ करण्यात आली आहे. हाफीज सईद याच्यासह त्याचे सहकारी अब्दुल्ला उबेद, मलिक जफर इक्बाल, अब्दुल रेहमान अबीद आणि काझी काशिफ हुसेन यांना दहशतवाद प्रतिबंधक कायद्याखाली नजरकैदेत ठेवण्यात आले होते.

पंजाब प्रांतातील गृह मंत्रालयाने याबाबतचे निवेदन 28 जुलैला प्रसिद्ध केले आहे. सईदच्या नजरकैदेची मुदत 27 जुलैला संपली होती. त्यानंतर लगेच शांततेचे कारण देत त्याच्या नजरकैदेत 60 दिवसांची वाढ करण्यात आली आहे. सईद व त्याचे कार्यकर्ते देशात अशांतता निर्माण करण्याची शक्यता असल्याने त्यांना नजरकैदेतच ठेवण्यात येत असल्याचे, निवेदनात म्हटले आहे. त्याच्या सुटकेमुळे कायदा व सुव्यवस्थेचा प्रश्न निर्माण होऊ शकते, असेही म्हणण्यात आले आहे.

ई सकाळवरील ताज्या बातम्यांसाठी क्लिक करा :

• मराठा क्रांती मोर्चाचे संचित...
• अकोला: सायकल चालवत जिल्हाधिकाऱ्यांनी दिला आरोग्याचा संदेश
• लष्करे तैयबाचा कमांडर अबू दुजाना चकमकीत ठार
• बोलूया...'व्हर्च्युअल' जगातल्या सच्च्या मैत्रीबद्दल !
• कोयना धरणातून होत असलेल्या विसर्गात कपात​
• चमोलीमध्ये चीनने घुसखोरी केल्याचे उघड​
• रिमोटवरील अँथेना चीपद्वारे नागपुरच्या पेट्रोलपंपावर इंधनचोरी
• पीकविम्यासाठी पाच ऑगस्टपर्यंत मुदतवाढ​
• डीवायएसपी पदासाठी विजय चौधरींचे आजपासून प्रशिक्षण​
• मयत प्रेमिकेस सोडून प्रेमी फरार​
• भाजप अध्यक्षपदाच्या राजीनाम्याचा प्रश्‍नच नाही : शहा​