बंडा ऍचेह : इंडोनेशियातील एका बेकायदा तेल विहिरीला लागलेल्या आगीत मृत्युमुखी पडणाऱ्यांची संख्या पंधरावर पोचली आहे. या घटनेत अनेक जण जखमी झाले आहेत. त्यामुळे मृतांची संख्या वाढण्याची भीती व्यक्त केली जात आहे. सिगारेटमुळे विहिरीला आग लागल्याचा प्राथमिक अंदाज पोलिसांनी व्यक्त केला आहे.
इंडोनेशियातील सुमात्रा बेटातील एकेह प्रांतातील एका नागरी वस्तीत ही दुर्घटना घडली. तेलविहिरीला मंगळवारी सायंकाळी लागलेली आग विझवण्याचे काम बुधवारपर्यंत सुरू होते. या आगीत अनेकांची घरे उद्ध्वस्त झाली आहेत. आगीच्या ज्वाळा 70 मीटर उंचीपर्यंत जात होत्या. त्यात परिसरातील घरे भक्ष्यस्थानी पडली. एवढेच नाही, तर नारळाची झाडेदेखील जळाली आहेत. आतापर्यंत 15 जण मृत्युमुखी पडल्याची प्राथमिक माहिती हाती आली आहे. अजूनही आग भडकलेलीच असून ते विझवण्याचे काम युद्धपातळीवर सुरू आहे.
विहीर परिसरातील घरात किती जण अडकले आहेत, याची माहिती उपलब्ध नसल्याचे आपत्कालीन व्यवस्थापनच्या अधिकाऱ्याने सांगितले. सिगारेटमुळे तेलविहिरीला आग लागल्याचा प्राथमिक अंदाज आहे. कारण, परिसरात राहणारे अनेक नागरिकांना धूम्रपानाचे व्यसन होते आणि तेल मिळवण्यासाठी नागरिकांची परिसरात सतत गर्दी असायची, असे पोलिसांनी सांगितले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.