दिवाळखोरीमुळे एअरलाइन्स पडली बंद; जगभरात हजारो प्रवाशांचे हाल

लंडन : ब्रिटनमधील ख्यातनाम थॉमस कुक एअरलाइन्स आणि टूर ऑपरेटर कंपनी बंद पाडली आहे. भांडवला अभावी कंपनीवर दिवाळखोरीची वेळ आली आहे. यामुळे अचानक कंपनीच्या सर्व सेवा बंद करण्यात आल्या आहे. परिणामी युरोप आणि अमेरिकेतील अनेक विमानतळावर थॉमस कुकच्या प्रवाशांचा खोळंबा झाला आहे.

विधानसभेतही भाजप विद्यमानांचे तिकीट कापणार?

कंपनीने मागितली माफी
थॉमस कूक ही जवळपास १७८ वर्षे जुनी एअरलाइन्स होती. पण, गेल्या काही वर्षांपासून कंपनी आर्थिक अडचणीत आली होती. या संदर्भात कंपनीने खुलासा केला असून, ‘आमच्याकडे कोणताही पर्याय नसून, या क्षणी कंपनीच्या सर्व सेवा बंद करण्याशिवाय आमच्याकडे कोणताही पर्याय नाही. सर्व आर्थिक पर्यायांची चाचपणी केल्यानंतर हा निर्णय घेण्यात आला आहे.’ कंपनीचे मुख्य कार्यकारी अधिकारी पीटर फॅनखाऊसर यांनी यानंतर थॉमस कुकच्या सर्व प्रवाशांची आणि ग्राहकांची तसेच पुरवठादार आणि कर्मचाऱ्यांची माफी मागितली आहे.

‘हाउडी मोदी’ने पाकिस्तानची हवा केली गुल; आंदोलन फ्लॉप

कधी झाली घोषणा?
लंडनमध्ये स्थानिक वेळेनुसार कंपनी पहाटे दोन वाजून पंधरा मिनिटांनी थॉमस कूकने दिवाळखोरीची घोषणा केली. त्यानंतर जगभरातील विशेषतः युरोपमधील थॉमस कुकच्या प्रवाशांचा एअरपोर्टवर खोळंबा झाला. दिवाळखोरी जाहीर झाल्यानंतर त्याच क्षणापासून थॉमस कुकच्या तिकिटांची विक्री थांबवण्यात आली. पण, प्रवासात असलेल्या विमानांची सेवा रात्री दहा वाजेपर्यंत सुरू राहील, असे कंपनीने स्पष्ट केले.

मुख्यमंत्री म्हणतात, ‘युतीची मलाही तेवढची चिंता’

कर्मचाऱ्यांवर बेकारीच कुऱ्हाड
ब्रिटनमधील नागरी हवाई उड्डाण मंत्रालयानेहीत या संदर्भात ट्विटवरून घोषणा केली आहे. थॉमस कुकचे जगभरात जवळपास दीड लाख ग्राहक आहेत. तसेच कंपनीत जवळपास २१ हजार कर्मचारी काम करत आहेत. थॉमस कुकच्या टूरमधून जे प्रवासी सहलीला गेले आहेत. त्यांना परतीच्या प्रवासासाठी ब्रिटनच्या नागरी हवाई उड्डाण विभागाकडून रिटर्न फ्लाईट्स उपलब्ध करून देण्यात येणार आहेत. थॉमस कुकला भांडवलाची चणचण भासत होती. कंपनीला २० ते २५ कोटी पाऊंड भांडवलाचा तुडवडा जाणवत होता. येत्या आठवडाभरात कंपनीला हे भांडवल उभे करायचे होते. पण, सर्व पर्याय संपल्यामुळे अखेर कंपनी दिवाळखोरीत निघाली.