ट्रम्प करणार पाकला सर्व मदत?

ट्रम्प करणार पाकला सर्व मदत
ट्रम्प करणार पाकला सर्व मदत

पाकिस्तान सरकारचा दावा

इस्लामाबाद : पाकिस्तानला भेडसावणाऱ्या सर्व समस्या सोडविण्यासाठी कोणत्याही प्रकारची भूमिका बजावण्यास तयार असल्याचे अमेरिकेचे नियोजित अध्यक्ष डोनाल्ड ट्रम्प यांनी पाकिस्तानला सांगितल्याचा दावा येथील पंतप्रधान कार्यालयाने केला आहे.


पाकिस्तानचे पंतप्रधान नवाज शरीफ यांनी काल (ता. 30) रात्री ट्रम्प यांना दूरध्वनी करत विविध आंतरराष्ट्रीय विषयांवर चर्चा केली. या वेळी ट्रम्प यांनी ही मदत देऊ केल्याचे पाकिस्तान सरकारने आज प्रसिद्ध केलेल्या निवेदनात म्हटले आहे.

"पाकिस्तानच्या सर्व समस्या सोडविण्यासाठी तुम्हाला हवी ती भूमिका पार पाडण्यास मला आवडेल. हा माझा सन्मान असून, मी व्यक्तिश: हे करेन. मी अध्यक्षपदाची सूत्रे स्वीकारण्यापूर्वीही तुम्ही मला कधीही फोन करू शकता,' असे ट्रम्प यांनी शरीफ यांना सांगितल्याचे निवेदनात म्हटले आहे. शरीफ यांच्याबद्दल आपले मत चांगले असल्याचेही ट्रम्प यांनी म्हटले आहे.


"पाकिस्तान हा फार सुंदर देश असून, पाकिस्तानी नागरिक अत्यंत बुद्धिमान असतात,' असेही ट्रम्प यांनी म्हटल्याचा दावा पाकिस्तान सरकारने केला आहे. शरीफ यांनीही ट्रम्प यांना पाकिस्तान भेटीचे निमंत्रण दिल्याचे निवेदनात म्हटले आहे.

 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com