वयाच्या 35 व्या नंतरही तुम्हाला फिट रहायचं असेल तर या 5 हेल्‍थ चेकअप रेग्युलर करा

स्त्रियांना वयाच्या 35 व्या नंतर एक ते दोन वर्षांमध्ये काही हेल्‍थ चेकअप करणे गरजेचे आहे. या तपासणीमुळे महिलांना वाढत्या वयाबरोबर होणाऱ्या आजारांबद्दल जागरूक केले जाते. ज्याद्वारे योग्य वेळी उपचार आणि सावधगिरी बाळगून आजार टाळता येऊ शकतात.
तज्ञ डॉक्टरांच्या म्हणण्यानुसार, शरीरात लहानपणापासून तारुण्यापर्यंत उर्जा असते. परंतु वृद्धत्वावेळी ही उर्जा कमी होऊ लागते आणि 40 वय ओलांडल्यानंतर समस्यांचे चक्र सुरु होते. स्त्रियांमधील परिस्थिती जरा जास्त जटिल असतात. वाढत्या वयानुसार स्त्रियांमध्ये हाडे कमकुवत होऊ लागतात. कारण आपली हाडे कॅल्शियम, फॉस्फरस आणि प्रथिने व्यतिरिक्त अनेक प्रकारच्या खनिजांपासून बनवलेल्या आहेत. वाढत्या वयानुसार हे पोषकद्रव्ये कमी होऊ लागतात, ज्यामुळे हाडे इतकी कमकुवत होतात की लहान जखम देखील फ्रॅक्चर होऊ शकते.

खराडी येथील मातृत्व रुग्णालयातील कन्सल्टंट प्रसूती व स्त्री रोग तज्ज्ञ डॉ. माधुरी बुरांडे यांचे म्हणणे आहे की, वाढते वय असलेल्या स्त्रियांमध्ये हा आजार होतो. हे होण्याचे कारण महिलांच्या शरीरात हार्मोनल असंतुलन असते. महिलांच्या शरीरात काही हार्मोन्स असतात, ज्यामुळे त्यांना या आजारापासून दूर ठेवतात, परंतु जेव्हा ही हार्मोन्स वृद्धावस्थेत कमी होऊ लागतात तेव्हा रोगाचा धोका देखील वाढतो. तसेच आई झाल्यावर स्त्रिया आपल्या मुलांना स्तनपान देतात ज्यामुळे त्यांच्या शरीरात कॅल्शियमची कमतरता येते. म्हणूनच वयाच्या 40 व्या नंतर प्रत्येक महिलेने गायकाचा सल्ला घ्यावा आणि व्हिटॅमिन औषधे घेतली पाहिजे.  

महिलांनी वाढत्या वयानुसार या महत्त्वपूर्ण टेस्ट करावी

थायरॉईड टेस्ट
वाढत्या वयाबरोबर हार्मोनल बदलांमुळे स्त्रियांमध्ये थायरॉईड सामान्यतः दिसून येते. म्हणूनच वयाच्या 35 व्या वयानंतर अचानक वजन वाढणे, कोलेस्टेरॉलची समस्या, ताणतणाव आणि उदास मूडची लक्षणे आढळल्यास महिलांनी त्वरित थायरॉईडची तपासणी करुन घ्यावी. म्हणूनच ब्‍लड टेस्‍ट करणे आवश्यक आहे.

पॅप स्मीयर टेस्ट
वयाच्या 35 व्या वयानंतर, गर्भाशयाच्या सर्वाइकल कॅन्सर (ग्रीवेचा कर्करोग) होण्याचा धोका प्रत्येक महिलांमध्ये लक्षणीय वाढत असतो. म्हणूनच वृद्ध वयातील प्रत्येक महिलेची दर दोन वर्षांनी पॅप स्मीयर टेस्ट घेणे आवश्यक आहे. या टेस्ट केल्याने गर्भाशय आणि पेशींमध्ये जळजळ किंवा संसर्ग उद्भवतो जे गर्भाशयाच्या ग्रीवेच्या कर्करोगाचे लक्षण दिसून येतो. या टेस्टसाठी ग्रीवाच्या पेशींकडून सॅम्पल घेतले जातात. रोगाचा लवकर शोध लावल्याने लवकर उपचार होण्याची शक्यता वाढते.

बोन डेंसिटी टेस्‍ट (हाडांची घनता चाचणी)
वाढत्या वयानुसार स्त्रियांमध्ये हाडे कमकुवत होऊ लागतात आणि अशक्तपणामुळे जखम झाल्यामुळे त्यांची हाडे फुटण्याची शक्यता असते. फ्रॅक्चर बहुधा हिप्‍स, मनगट किंवा पाठीच्या कण्यामध्ये होतात. म्हणूनच बोन मिनरल डेंसिटी (बीएमडी) टेस्‍ट महिलांसाठी उपलब्ध आहेत. हाडांची ताकद तपासण्यासाठी  बोन मिनरल डेंसिटी टेस्ट केली जाते. हे हाडांमध्ये कॅल्शियम आणि इतर खनिज पदार्थांबद्दल माहिती देते. अशा परिस्थितीत 35 वर्षानंतरच्या स्त्रियांनी बोन मिनरल डेंसिटी टेस्ट केली पाहिजे.

ब्रेस्ट कॅन्सर (स्तनाचा कर्करोग)
स्त्रियांमध्ये स्तनाचा कर्करोग हा सर्वात सामान्य कर्करोग आहे आणि वाढत्या वयामुळे स्त्रियांमध्ये स्तनाचा कर्करोग होण्याचा धोका जास्त असतो. भारताबद्दल बोलायचे तर आपल्या देशात 25 ते 32 टक्के महिलांना स्तनाचा कर्करोग होत आहे. अशा परिस्थितीत जर स्तन नियमितपणे तपासला गेला तर कर्करोगाचा सुरवातीच्या अवस्थेतच टेस्ट घेता येऊ शकते आणि त्याला प्राणघातक होण्यापासून रोखता येऊ शकते. स्तन कर्करोगाच्या तपासणीसाठी मेमोग्राफी केली जाते. 40 वयानंतर स्त्रियांनी दर दोन वर्षांनी मॅमोग्राफी करायला हवी. 

कोलेस्ट्रॉल टेस्ट
शरीरातील चयापचय क्रिया संतुलित करण्यासाठी कोलेस्टेरॉल आवश्यक घटक आहे, परंतु त्याच्या प्रमाणामुळे हृदयाची समस्या देखील उद्भवते. ज्यामुळे हृदयाशी संबंधित समस्या उद्भवू शकतात. म्हणून ब्‍लड टेस्‍ट वर्षातून एकदा केली पाहिजे. उच्च कोलेस्ट्रॉल सहसा कोणतीही लक्षणे दिसत नाही. आपल्या कोलेस्ट्रॉलची पातळी जास्त आहे की नाही हे तपासून घ्या आणि हृदय रोगांचे संभाव्य धोके शोधण्यासाठी कोलेस्ट्रॉल टेस्ट केली जाते. जर कोलेस्ट्रॉल 130 पेक्षा जास्त असेल तर ही चिंतेची बाब आहे.
तुमचे वय 35 वर्षांपेक्षा जास्त असेल तर तुम्ही निरोगी आणि तंदुरुस्त राहण्यासाठी ही टेस्ट नियमित केली पाहिजे.

(डिसक्लेमर : वरील लेखात देण्यात आलेली माहिती ही सर्वसामान्य माहितीच्या आधारावर आहे. याबाबत अधिक माहितीसाठी तज्ज्ञांचा सल्ला घ्यावा.)