भविष्य

मेष:
तुमचे निर्णय व अंदाज अचूक ठरतील. संततिसौख्य लाभेल. विद्यार्थ्यांना दिवस चांगला आहे. कर्मचारी वर्गाचे सहकार्य लाभेल.
वृषभ:
तुमच्या व्यक्‍तिमत्त्वाचा प्रभाव पडेल. उत्साह, उमेद वाढेल. बौद्धिक व शैक्षणिक क्षेत्रातील व्यक्‍तींना यश मिळेल.
मिथुन:
काही निर्णय धाडसाने घ्याल. जबाबदारी वाढणार आहे. कामाचा ताण व दगदग वाढेल. आरोग्याकडे फार दुर्लक्ष नको.
कर्क:
प्रवास शक्‍यतो टाळावेत. वैवाहिक जीवनात मतभेदाची शक्‍यता आहे. व्यवसायात आर्थिक लाभाचे प्रमाण वाढणार आहे.
सिंह:
खर्चाचे प्रमाण वाढेल. तुम्हाला चांगली संधी मिळणार आहे. तुमच्या अनुभवाचा व ज्ञानाचा फायदा होईल. प्रगती वेगाने होईल.
कन्या:
आर्थिक क्षेत्रात धाडस टाळावे. जबाबदारी वाढणार आहे. वाहने चालवताना विशेष दक्षता घेण्याची आवश्‍यकता आहे.
तूळ:
आर्थिक लाभाचे प्रमाण वाढणार आहे. बौद्धिक क्षेत्रात विशेष यश मिळेल. वैवाहिक जीवनात प्रसन्नता लाभेल. आरोग्य उत्तम राहील.
वृश्चिक:
व्यवसायात अपेक्षेप्रमाणे वाढ होणार आहे. नोकरीतही प्रगतीला पोषक वातावरण राहणार आहे. मित्रांचे चांगले सहकार्य लाभेल.
धनु:
नवे स्नेहसंबंध जुळतील. तुमच्या कार्यक्षेत्रात सुसंधी लाभेल. विद्यार्थ्यांना सुयश लाभेल. साडेसातीची तीव्रता जाणवणार आहे.
मकर:
आर्थिक कामे उरकून घ्यावीत. विवाहेच्छूंचे विवाह जमण्याची शक्‍यता आहे. नवीन परिचय होतील व गाठीभेटी होतील.
कुंभ:
व्यवसायात चांगल्या घटना घडतील. कला, संगीत, नाट्य क्षेत्रांत प्रसिद्धी मिळेल. आर्थिक क्षेत्रात धाडस करावयास हरकत नाही.
मीन:
कर्मचारी वर्गाचे सहकार्य लाभेल. खर्चाचे प्रमाण वाढणार आहे. उसनवारी वसूल होईल. भागीदारी व्यवसायात कटकटी वाढणार आहेत.
रविवार, मे 26, 2019 ते शनिवार, जून 1, 2019
मेष:
पुत्रोत्कर्षामुळे धन्य व्हाल अश्‍विनी नक्षत्राच्या व्यक्ती अनेक माध्यमांद्वारे लोकांचं लक्ष वेधून घेतील. भरणी नक्षत्राच्या व्यक्तींना हा सप्ताह जनसंपर्कातून एकूणच प्रवाही. काही महत्त्वाच्या गुंतवणुकी कराल. ता. 28 व 31 या दिवसांच्या वन डे शुक्रभ्रमण जिंकून देईल. कृत्तिका नक्षत्राच्या व्यक्तींचे डोळे एकादशीला पुत्रोत्कर्षामुळे आनंदाश्रूंनी भरून येतील. धन्यता अनुभवाल.
वृषभ:
वेगवेगळे विक्रम नोंदवाल! राशीतलं बुधभ्रमण विलक्षण राहील. तरुणांना मुलाखतींतून यश. रोहिणी नक्षत्राच्या व्यक्तींसाठी ता. 26 ते 28 मे हे दिवस अतिशय दिलखुलास राहतील. काव्य स्फुरेल! मृग नक्षत्राच्या व्यक्तींना एकूणच सप्ताह सुंदर पॅकेजचा राहील. ता. 29 व 30 या दिवशी वेगवेगळे विक्रम नोंदवाल!
मिथुन:
नका जाऊ मीडियासमोर! सप्ताहातील प्रत्येक वन डे फक्त खेळून काढा. नका होऊ निराश. पुनर्वसू नक्षत्राच्या व्यक्तींना विशिष्ट कोर्टप्रकरणात यश येईल. वास्तुविषयक प्रश्‍न सोडवाल. ता. 31 मे व एक जून हे दिवस तुमच्या राशीला शुभलक्षणी. मात्र, आर्द्रा नक्षत्राच्या व्यक्तींना लोकापवादातून त्रास. नका जाऊ मीडियासमोर!
कर्क:
"अनुष्का'च्या उपस्थितीत षटकार! आश्‍लेषा नक्षत्राच्या व्यक्ती शुभ ग्रहांच्या ओव्हर्सच्या माध्यमातून धावसंख्येचा विक्रम नोंदवतील! पुष्य नक्षत्राच्या व्यक्ती नोकरीत वरिष्ठांचं लक्ष वेधून घेतील. ता. 30 मे ते एक जून या कालावधीत प्रेमप्रकरणाचा अध्याय सुरू होईल. एखाद्या "अनुष्का'च्या उपस्थितीत चौकार व षटकार ठोकाल!
सिंह:
प्रेमाच्या वन डे जिंकाल! हा सप्ताह मोठी अजब फळं देईल. पूर्वा नक्षत्र ग्रहांच्या लूज फील्डिंगचा फायदा घेईल. शुक्रभ्रमणाची तेजस्विता कौतुकाचे काही क्षण देईल. ता. 30 मे ते एक जून हा कालावधी "शुक्र तारा, मंद वारा' असा अनुभव देईल. काहींना परिचयोत्तर विवाहाच्या संधी. अर्थातच प्रेमाच्या वन डे जिंकाल. उत्तरा नक्षत्राच्या व्यक्तींना राजकीय लाभ.
कन्या:
वास्तुविषयक वाद मिटतील सप्ताहातली बुधाची स्थिती मोठी अनुकूल राहील. हस्त आणि चित्रा नक्षत्राच्या व्यक्तींना ता. 29 व 30 हे दिवस आर्थिक व्यवहारांतून लाभदायी. वास्तुविषयक वाद मिटतील. काहींना राजकीय व्यक्तींकडून लाभ होतील. ता. 29 मेचा बुधवार प्रेमिकांना खलनायकाकडून त्रासाचा. चित्रा नक्षत्राच्या व्यक्तींना शनिवार संध्याकाळ व्यावसायिक लॉटरीची.
तूळ:
शेवटच्या बॉलवर विजयप्राप्ती हा सप्ताह शेवटच्या बॉलला वन डे जिंकून देणारा. सप्ताहात स्वाती नक्षत्राच्या व्यक्ती फोटोफिनिश यश संपादन करतील. सप्ताहाच्या आरंभी आणि शेवटी अतिशय सुंदर फळं मिळतील. प्रेमाची एखादी वन डे जिंकाल. नोकरीत वरिष्ठांची मर्जी संपादन कराल. विशाखा नक्षत्राच्या व्यक्तींच्या राजकारणाला यश येईल, अर्थात फील्डिंग यशस्वी होईल!
वृश्चिक:
फील्ड ऍरेंजमेंट उत्तम कराल सप्ताहातल्या वन डे गुरूच्या कप्तानपदांतर्गत होतील. बुधाची स्थिती तुमचं मार्केटिंग यशस्वी करेल. अनुराधा नक्षत्राच्या व्यक्तींची फील्ड अँरेंजमेंट स्पर्धकांना निष्प्रभ करेल. फील्डवर धावताना पडू नका. हाता-पायाला इजा होण्यापासून सांभाळा. ज्येष्ठा नक्षत्राच्या व्यक्तींना ता. 30 मेच्या वन डेमध्ये भन्नाट यश. सूर्योपासना करा!
धनु:
धावबाद होऊ नका! या सप्ताहात मंगळ यष्टिरक्षकाचं काम करणार आहे. स्वतःच्या कक्षेत राहून वन डे खेळा. धावबाद होऊ नका. सप्ताहाचा आरंभ आणि शेवट अत्यंत सुखकारक राहील. पूर्वाषाढा नक्षत्राच्या व्यक्ती ता. 30 मे ते एक जून या कालावधीत शुक्राच्या ओव्हर्सद्वारे मोठी धावसंख्या उभारतील.
मकर:
मोठी धावसंख्या उभाराल! सप्ताहातली ग्रहांची फील्ड ऍरेंजमेंट तुम्हाला अनुकूल राहील. फुलटॉस गोलंदाजीतूनच मोठी धावसंख्या उभाराल! सप्ताहातली शुभ ग्रहांची आघाडी तुमचं संख्याबळ वाढवेल! श्रवण नक्षत्राच्या व्यक्तींना चांगलंच बाळसं येईल. धनिष्ठा नक्षत्राच्या व्यक्ती "मॅन ऑफ द मॅच' होतील. नोकरीत बढती!
कुंभ:
वेगवान धावा काढाल वर्ल्ड कपच्या या सप्ताहात ग्रहांच्या फील्डवर लक्ष वेधून घेणारी रास! माणसांनाच तुम्ही खेळवणार आहात! शततारका नक्षत्राच्या तरुणांना जबरदस्त क्‍लिक होणारा सप्ताह. ता. 29 मे ते एक जून या कालावधीत वेगवान धावा काढाल. अर्थातच तुमच्या सर्व प्रयत्नांना यश येईल. पूर्वाभाद्रपदा नक्षत्राच्या व्यक्तींचा "राज्याभिषेक' सोहळा साजरा होईल!
मीन:
अंतर्मनानं निर्णय घ्या! गुरूच्या कप्तानपदांतर्गत या सप्ताहातल्या वन डे खेळल्या जातील. रेवती नक्षत्राच्या व्यक्ती बाजी मारणार आहेत. ता. 28 ते 30 या कालावधीत शुभ ग्रहांच्या गोलंदाजीतून विक्रमी धावसंख्या उभाराल, अर्थात स्वीकारलेल्या कामात यश येईल. नोकरीसाठीच्या मुलाखती द्याच. विवाहस्थळांचा गांभीर्यानं विचार करा. ज्योतिषाचा घोळ नको. अंतर्मनानं निर्णय घ्या!

ताज्या बातम्या