साप्ताहिक राशिभविष्य (३ एप्रिल २०२२ ते ९ एप्रिल २०२२)

सरकारी कामांमध्ये यश

मेष : सप्ताह ग्रहांच्या सत्तासंघर्षाचा अर्थातच राजकारणी व्यक्तींना खराब. वृद्धांनी दुखापती जपाव्यात. कृत्तिका नक्षत्राच्या व्यक्तींनी भावाबहिणींची मनं सांभाळावी. भरणी नक्षत्राच्या व्यक्तींना सरकारी कामांतून यश. ओळखी-मध्यस्थींतून लाभ. सप्ताहाचा शेवट मानसन्मानाचा. पुत्रोत्कर्ष होईल.

नोकरीत लाभ होतील

वृषभ : कृत्तिका नक्षत्राच्या व्यक्तींनी शत्रुपीडा सांभाळावी. बाकी रोहिणी नक्षत्राच्या व्यक्तींना नोकरीत परिस्थितीजन्य लाभ. ता. ६ व ७ हे दिवस अतिशय प्रवाही. मुलाखतींतून यश. सप्ताहात घरातील वृद्धांची काळजी घ्या. सप्ताहाच्या शेवटी मृग नक्षत्राच्या व्यक्तींचा सन्मान.

शुभ ग्रहांच्या साथसंगतीचे दिवस

मिथुन : शनी-मंगळ युतियोगाचा प्रभाव राहीलच. नैसर्गिक पाठबळ मिळणार नाही. जुनाट व्याधी सांभाळा. बाकी मृग नक्षत्राच्या व्यक्तींना ता. ७ आणि ८ हे दिवस शुभ ग्रहांच्या मोठ्या साथसंगतीचे. आर्द्रा नक्षत्राच्या व्यक्तींना व्यावसायिक उत्सव प्रसंगातून लाभ. मात्र गावगुंडांपासून सांभाळा. उधार-उसनवारी नको.

छान व्यावसायिक प्राप्तीचा कालखंड

कर्क : ग्रहांचं फिल्ड आपणास धावबाद करू शकतं. तरुणांनो नका करू कोणाशी स्पर्धा. नवपरिणितांनी आपलं भावविश्‍व जपावं. अहंकार सांभाळा. सामाजिक उठाठेवी नकोतच. आश्‍लेषा नक्षत्राच्या व्यक्तींनी वरील आचारसंहिता पाळावी. बाकी ता. ६ व ७ हे दिवस छान व्यावसायिक प्राप्तीचे. पुष्य नक्षत्रास बदलीतून त्रास.

नोकरी, प्रेम प्रकरणात प्रगती होईल

सिंह : सप्ताहात मघा नक्षत्राच्या व्यक्तींना नैसर्गिक पाठबळ राहणार नाही. उत्सव-समारंभातून बेरंग. ता. ३ ते ५ हे दिवस ग्रहांच्या उच्च दाबाचे. बाकी ता. ७ ते ९ हे दिवस शुभ ग्रहांच्या जबरदस्त कनेक्‍टिव्हिटीचे. उत्तरा नक्षत्राच्या व्यक्ती प्रचंड लाभ उठवतील. मघा नक्षत्राच्या व्यक्तींना नोकरी, प्रेम प्रकरणात प्रगती.

कोर्टविषयक कामांतून यश

कन्या : सप्ताह स्त्रीवर्गास खराब. घरात लहान मुलांचे त्रास. सार्वजनिक जीवनात गैरसमज टाळा. शेजाऱ्यांशी वाद नकोत. सप्ताहाची सुरुवात विचित्र खर्चाची. बाकी ता. ६ व ७ हे दिवस हस्त नक्षत्राच्या व्यक्तींना मुलाखती, विशिष्ट करारमदार व कोर्टविषयक कामांतून यश देणारे. उत्तरा नक्षत्रास त्वचाविकार सतावतील.

राजकीय फायदा व सन्मान होईल

तूळ : सप्ताह ग्रहयोगांतून उच्च दाबाचाच. सप्ताह अनेक प्रकारांतून अपघातानुकूल. सप्ताहाची सुरुवात विचित्र गाठीभेटीची. विशाखा नक्षत्राच्या व्यक्तींना मानवी प्रदूषणातून त्रास. बाकी ता. ७ ते ९ हे दिवस शुभ ग्रहांच्या लॉबीचे. चित्रा नक्षत्राच्या व्यक्तींना मोठे लाभ. स्वाती नक्षत्राच्या व्यक्तींना राजकीय लाभ. शनिवार सन्मानाचा.

तरुणांना नोकरीत यश

वृश्‍चिक : सप्ताहात आपले विशिष्ट डावपेच यशस्वी होतील. शत्रूवर दहशत बसेल. बाकी सप्ताहात हातापायाच्या दुखापती जपा. ज्येष्ठा नक्षत्राच्या व्यक्तींनी शारीरिक मस्ती टाळावी. बाकी ता. ६ व ७ हे दिवस अनुराधा नक्षत्राच्या व्यक्तींना जनसंपर्कातून छानच. तरुणांना मुलाखतींतून यश.

नोकरीत स्थान बळकट होईल

धनू : सप्ताह उपद्‌व्यापी व्यक्तींना त्रास देऊ शकतो. उत्तराषाढा नक्षत्राच्या व्यक्तींनी उधार-उसनवारीतून सांभाळावं. मूळ नक्षत्राच्या व्यक्तींचं नोकरीतील आसन बळकट होईल. पूर्वाषाढा नक्षत्राच्या व्यक्तींना ता. ७ ते ९ हे दिवस जीवनात निश्‍चितच वसंत फुलवतील. पती वा पत्नीच्या सुवार्ता धन्य करतील. व्यावसायिक मोठे शुभारंभ.

येणी येतील, महत्त्वाची कामं होतील

मकर : राशीतील शनी-मंगळाच्या सत्तासंघर्षाच्या झळा सप्ताहात जाणवतील. वादग्रस्त मंडळींना सप्ताह किचकटच! धनिष्ठा व्यक्तींना जास्त झळा पोचू शकतात. ता. ३ ते ५ हे दिवस हाय व्होल्टेजचे. श्रवण नक्षत्रास ता. ६ व ७ हे दिवस मोठे सुसंगत. महत्त्वाची कामं. वादग्रस्त येणी येतील. उत्तराषाढा नक्षत्राच्या व्यक्तींना नोकरी लाभेल.

थोरामोठ्यांचा अनुग्रह होईल

कुंभ : सप्ताहात कोणतेही शॉर्टकट नकोत. संशयास्पद व्यवहार नकोत. बाकी राशीचं शुक्रभ्रमण आणि शुभ ग्रहांची लॉबी गुप्तपणे रसद पुरवत राहील. ता. ७ ते ९ हे दिवस शततारका नक्षत्राच्या व्यक्तींना मोठे प्रेरक राहतील. पूर्वाभाद्रपदा नक्षत्राच्या व्यक्तींना ता. ९ चा शनिवार मोठ्या चमत्कारांचा. थोरामोठ्यांचा अनुग्रह होईल.

गुंतागुंतीचे आर्थिक व्यवहार टाळा

मीन : सप्ताहात जुगार टाळा. गुंतागुंतीचे आर्थिक व्यवहार नकोत. बाकी स्वतंत्र व्यावसायिकांना ता. ७ ते ९ हे दिवस निर्धोक राहतील. रेवती नक्षत्राच्या व्यक्तींचं नोकरीतील संकट जाईल. उत्तराभाद्रपदा नक्षत्राच्या व्यक्तींना विशिष्ट राजकीय व्यक्तींकडून लाभ होईल. पूर्वाभाद्रपदा नक्षत्राच्या व्यक्तींना शनिवारी तीर्थाटन घडेल.