'सिंघम' झाला तरी रोज आई वडीलांच्या पाया पडणं कधीच चुकलं नाही

बॉलीवूडमध्ये आपल्या अभिनयानं गेल्या तीन दशकांहून अधिक काळ प्रेक्षकांच्या मनावर अधिराज्य करणारा अभिनेता म्हणून अजय (Ajay Devgn) देवगणचे नाव घ्यावे लागेल.

Ajay devgnesakal

Bollywood News: बॉलीवूडमध्ये आपल्या अभिनयानं गेल्या तीन दशकांहून अधिक काळ प्रेक्षकांच्या मनावर अधिराज्य करणारा अभिनेता म्हणून अजय (Ajay Devgn) देवगणचे नाव घ्यावे लागेल. हिंदी चित्रपटसृष्टीमध्ये त्याच्या अभिनयावर प्रेम करणारा मोठा प्रेक्षकवर्ग आहे. मिथुन चक्रवर्तीच्या (Mithun Chakraborty) बापु की प्यारी बहनामध्ये (Bollywood Movies) लहान मुलाची भूमिका साकारली होती. ते अजयचं बॉलीवूडमधील पहिलं पाऊल. या चित्रपटामध्ये त्यानं मास्टर छोटूनची भूमिका केली होती. आज अजयचा वाढदिवस आहे. त्यानिमित्तानं आपण त्याच्याविषयीच्या वेगवेगळ्या आठवणींविषयी जाणूनही घेणार आहोत.अजयला आतापर्यत तीनवेळा राष्ट्रीय पुरस्कार मिळाला आहे. पहिल्यांदा जख्म, द लिजंड ऑफ भगतसिंग आणि दृष्यम अशी त्या चित्रपटांची नावं आहे. या तीनही चित्रपटामध्ये अजयनं सर्वोत्तम भूमिका केल्या होत्या.

अजयला आतापर्यत तीनवेळा राष्ट्रीय पुरस्कार मिळाला आहे. पहिल्यांदा जख्म, द लिजंड ऑफ भगतसिंग आणि दृष्यम अशी त्या चित्रपटांची नावं आहे. या तीनही चित्रपटामध्ये अजयनं सर्वोत्तम भूमिका केल्या होत्या.

संजय लीला भन्साळीच्या हम दिल दे चुके सनममध्ये देखील त्यानं चांगली भूमिका साकारली होती. त्यात त्यानं ऐश्वर्याच्या पतीची भूमिका केली. त्यानंतर डेव्हिड धवनच्या हम किसीसे कम नही, रितुपर्णो घोष यांच्या रेनकोट चित्रपटामध्ये देखील ते एकत्र दिसले.

अजयला कॉमेडी जॉनरमध्ये आणण्यात रोहित शेट्टीचा मोठा वाटा आहे. रोहित शेट्टी अजयचा चांगला मित्रही आहे. त्यांनी एकत्रित अनेक चित्रपट केले असून त्याला नेटकऱ्यांचा मोठा प्रतिसादही मिळाला आहे.

संजय लीला भन्साळींच्या बाजीरावसाठी पहिल्यांदा अजयच्या नावावर शिक्कामोर्तब झाले होते. मात्र त्यावेळी त्याची गोष्ट मानधनावरुन खटकल्याचे सांगण्यात आले होते. अर्थात त्या चित्रपटामध्ये रणवीरनं सर्वोत्तम भूमिका केली. मात्र सुरुवातीला भन्साळींनी अजयची निवड केली होती.

अजय देवगण भलेही कितीही मोठा स्टार झाला असेल मात्र त्यानं कधीही आई वडिलांच्या पाया पडणं सोडलं नाही. तो दररोज सकाळी आई वडिलांच्या पाया पडूनच घराबाहेर पडायचा. कुटूंबाप्रती तो नेहमीच तत्पर राहिला आहे.

याशिवाय अजयचा राजु चाचा नावाचा चित्रपटही असाच फ्लॉप झाला होता. त्याला प्रेक्षकांनी साफ नाकारले. अजयचा भाऊ अनिल देवगण यांनी तो दिग्दर्शित केला होता.

अजयनं आतापर्यत केवळ एकच चित्रपट दिग्दर्शित केला होता. त्याचे नाव यु मी और हम. त्यामध्ये त्याची पत्नी काजल हीच मुख्य अभिनेत्री होती. अजय जेव्हा आर्थिक संकटात होता तेव्हा त्यानं ही फिल्म केल्याचे सांगितले जाते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Entertainment