निसर्गप्रेम! जैवविविधता धोक्यात येत असल्याने तरुणाने विदेशी वनस्पतींचे केले उच्चाटन

श्री क्षेत्र जोतिबा डोंगराच्या पायथ्याशी असणाऱ्या पोहाळे तर्फ आळते गिरोली दाणेवाडी सादळे मादळे या भागात सामाजिक वनीकरण विभागाने गेल्या चाळीस वर्षापूर्वी केवळ डोंगर हिरवे करण्यासाठी एकसुरी पद्धतीने विदेशी झाडांची मोठ्या प्रमाणात लागवड केल्यामुळे या भागातील स्थानिक जैवविविधता धोक्यात आली आहे. प्राणी पशुपक्षी यांनाही अनेक अडचणींना सामोरे जावे लागत आहे. ही अडचण ओळखून पोहाळे तर्फ आळते (ता. पन्हाळा) येथील सुरेश विश्वास बेनाडे या उच्चशिक्षीत तरुणाने जनजागृती करण्याचे काम हाती घेतले आहे.