विहिरी आटल्या, नळंही बंद; पाण्यासाठी वणवण: विक्रमगडचं भीषण वास्तव

विक्रमगड मधील खुडेद ग्रामपंचायत अंतर्गत असलेल्या घोडीचा पाड्यात भीषण पाणी टंचाईचा सामना ग्रामस्थांना करावा लागत आहे. या पाड्यात 70 कुंटुबे राहत असुन. 300 ते 350 च्या आसपास लोकसंख्या असलेल्या या पाड्यात पाणी टंचाई सदृश्य स्थिती असतांना याकडे ग्रामपंचायत प्रशासनाकडून दुर्लक्ष केले जात आहे. खुडेद घोडीचापाडा विक्रमगड व जव्हार तालुक्याच्या हद्दीवर आहे. घोडीचा पाडयात दोन-विहिरी असुन भुजल पातळी अतिशय खोलवर गेलेली आहे. त्यामुळे एप्रिल मध्ये या पाड्यात तीव्र पाणी टंचाईचा नागरिकांना सामना करावा लागत आहे.