जळगाव : अज्ञात चोरट्याने चोरल्या 6 गायी

अमळनेर (जि. जळगाव) : शहरातील पैलाड भागातून सहा गायी चोरीस गेल्याची घटना बुधवारी (ता. ११) रात्री चोपडा नाल्याजवळ घडली. दशरथ युवराज लांडगे यांचे पैलाड भागात चोपडा नाक्याजवळ खळे असून, बुधवारी सायंकाळी त्यांनी आपल्या दोन गाईना चारा पाणी करून घरी निघून गेले होते. ते गुरुवारी सकाळी खळ्यात आले असता त्यांना गायी दिसल्या नाहीत. त्यांनी शेजारी विचारपूस केली असता अजय विठोबा पाटील यांनी त्यांच्या देखील सहा गायी चोरीस गेल्याचे सांगितले.

अज्ञात चोरट्याने लांडगे यांच्या ३० हजारांच्या २ गायी तर अजय यांच्या ५३ हजाराच्या ४ अशा ८३ हजाराच्या गायी चोरून नेल्या आहेत. अमळनेर पोलिसात गुन्हा दाखल केला आहे. पोलिस कर्मचारी सुनील पाटील तपास करीत आहेत.