जळगाव : निमखेडी परिसरातील चंदू अण्णानगर चौकातून वाळूची चोरटी वाहतूक (transporting sand illegally) करणाऱ्या ट्रॅक्टरवर तालुका पोलिसांनी कारवाई केली असून या प्रकरणी ट्रॅक्टर चालकाविरोधात गुन्हा दाखल झाला आहे. (Action on tractor transporting sand illegally Jalgaon Crime news)
जळगाव शहरातील चंदू अण्णानगर चौकातून (एमएच २८ डी ६६८९) या क्रमाकांचे ट्रॅक्टर वाळूची चोरटी वाहतूक करत असल्याची माहिती तालुका पोलिसांना मिळाली. त्यानुसार पोलिस निरीक्षक रामकृष्ण कुंभार यांच्या मार्गदर्शनात पोलिस पथकाने रात्री आठ वाजेच्या सुमारास अंधाराचा फायदा घेत वाळू चोरुन नेणाऱ्या ट्रॅक्टरवर कारवाई केली. चालकाकडे वाळू वाहतुकीचा परवाना नसल्याने त्यावर कारवाई करण्यात येऊन वाळूसह ट्रॅक्टर जप्त करण्यात आले आहे. या प्रकरणी प्रमोद भिकन सपकाळे (रा. कांचननगर) याच्याविरोधात तालुका पोलिसात गुन्हा दाखल झाला आहे. पुढील तपास सहाय्यक फौजदार विजय पाटील करीत आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.