जळगाव जिल्ह्यात नव्या बाधितांपेक्षा बरे होणारे अधिक..तर जणांचा १२ मृत्यू

जळगाव : जिल्ह्यात गेल्या काही दिवसांपासून कोरोना संसर्गाचा (corona infection) आलेख स्थिर आहे. गुरुवारी प्राप्त अहवालानुसार नव्या बाधितांपेक्षा (positive patient) बरे होणाऱ्यांची संख्या अधिक नोंदली गेली. तर दोघा तरुणांसह १२ जणांचा मृत्यू (death) झाला.

(jalgaon district positive patient numbers low corona free patient increased)

जळगाव जिल्ह्यात महिनाभरापासून कोरोना संसर्गाचा आलेख स्थिर असून बरे होणाऱ्यांचे प्रमाण वाढत आहे. तसेच आठवडाभरापासून रोजचे मृत्यूही काही प्रमाणात घटले आहेत. गुरुवारी ६ हजार ४५७ चाचण्यांचे अहवाल प्राप्त झाले. पैकी ७८९ नवे बाधित आढळून आले. एकूण रुग्णसंख्या १ लाख ३३ हजार २१२ झाली आहे. दिवसभरात ८१६ रुग्ण बरे झाल्यानंतर बरे होणाऱ्यांचा आकडा १ लाख २० हजार ९७१वर पोचला आहे.

१२ जणांचा बळी
गेल्या २४ तासांत २९ व ३५ वर्षीय तरुणांसह १२ जणांचा बळी गेला. जळगाव शहरातील तिघांचा त्यात समावेश आहे. एकूण बळींचा आकडा २३८६ वर पोचला आहे. सारी, न्युमोनिया, नॉन कोविड, संशयित अशा ९ जणांचा मृत्यू झाला.

असे आढळले रुग्ण
जळगाव शहर १२२, जळगाव ग्रामीण २३, भुसावळ १०६, अमळनेर १६, चोपडा ३७, पाचोरा २९, भडगाव १५, धरणगाव ७, यावल ४१, एरंडोल ११, जामनेर ३०, रावेर ५०, पारोळा २७, चाळीसगाव ८७, मुक्ताईनगर १६१, बोदवड २३, अन्य जिल्ह्यातील ४.