Jalgaon Crime News: कैऱ्या फुकटात न दिल्याने दांपत्याला मारहाण

जळगाव : अर्धा किलो कैऱ्यांचे पैसे घेतल्याने त्याचे वाईट वाटल्याने पिंप्राळ्यातील एका तरुणाने महिलेसह तिच्या पतीला शिवीगाळ करत मारहाण केली. ही घटना शनिवारी (ता. २५) रात्री साडेनऊच्या सुमारास गुजराल पेट्रोलपंप परिसरात घडली.

जळगाव शहरातील संत मीराबाईनगरात शालू अशोक जाधव या पती अशोक किसन जाधव व कुटुंबियासह वास्तव्यास आहेत. शनिवारी (ता. २५) गुजराल पेट्रोलपंप परिसरात अशोक जाधव यांनी पिंप्राळा पसिरातील मढी चौकात राहणाऱ्या नितेश मिलिंद जाधव याच्याकडून घेतलेल्या अर्धा किलो कैऱ्याचे पैसे घेतले.

या रागातून नितेश जाधव याने अशोक जाधव यांना शिवीगाळ करत चापटाबुक्क्यांनी मारहाण केली. शालू जाधव या भांडण सोडविण्यासाठी गेले असता, त्यांनाही नितेश जाधव याने शिवीगाळ करत चापटाबुक्क्यांनी मारहाण केली, तसेच अशोक जाधव व त्यांच्या पत्नी शालू जाधव यांना ठार मारण्याची धमकी दिली.

याप्रकरणी शालू जाधव यांच्या तक्रारीवरून नितेश मिलिंद जाधव याच्याविरोधात रामानंदनगर पोलिसांत गुन्हा दाखल करण्यात आला आहे. पोलिस नाईक राजेश चव्हाण तपास करीत आहे.