Jalgaon Crime News : हद्दपार संशयित तलवारीसह अटकेत

Jalgaon News : कानळदा (ता. जळगाव) येथील डॉ. बाबासाहेब आंबेडकर चौकात संध्याकाळी साडेसातच्या सुमारास तलवार घेऊन दहशत माजविणाऱ्या संशयिताला पोलिसांनी अटक केली आहे. (Deportation suspect arrested with sword jalgaon Crime news)

पोलिस कर्मचारी प्रशांत ठाकूर याने दिलेल्या तक्रारीनुसार अटकेतील संशयित आकाश इच्छाराम सपकाळे (रा.कानळदा) याला दोन वर्षांकरिता जिल्‍ह्‍यातून हद्दपार करण्यात आलेले आहे.

असे असताना हद्दपारीचे आदेश झुगारून आकाश सपकाळे हा कानळदा गावात बुधवारी (ता.२४) संध्याकाळी हातात तलवार घेत दहशत माजवीत असल्याची माहिती पोलिसांना मिळाली.

हेही वाचा : Credit Card फसवणूक....काय घ्याल काळजी?

तालुका पोलिसांनी त्यास ताब्यात घेत अंगझडती घेतली असता त्याच्या ताब्यात २ फूट लांबीची धारदार तलवार मिळून आली. त्याच्याविरुद्ध तालुका पोलिसांत गुन्हा दाखल करण्यात आला आहे. सहाय्यक फौजदार रामकृष्ण इंगळे तपास करत आहेत.