‘कलेक्टर’, ‘एस.पी.’ पिशवी घेवून बाजारात जातात तेव्हा

jalgaon collector
jalgaon collector

जळगाव : ‘जिल्हाधिकारी’, ‘पोलिस अधिक्षकांनी स्वतः पिशवी हातात घेवून चक्क भालीपाला खरेदी केल्याने शेतकऱ्यासह कृषी विभागाचे अधिकारी अवाक झाले. निमित्त होते ‘विकेल ते पिकेल’ योजनेतंर्गत संत शिरोमणी सावता माळी रयत बाजार अभियान अंतर्गत शेतमाल विक्री केंद्राच्या उद्‌घाटनाचे. 

जिल्हा अधिक्षक कृषि अधिकारी कार्यालय, जिल्हा पोलीस अधिक्षक कार्यालय यांच्या विशेष प्रयत्नाने थेट शेतकरी ते ग्राहक संकल्पनेवर आधारीत शेतमाल विक्री सुरू करण्यात आली. त्यावेळी केंद्राचे उद्‌घाटन जिल्हाधिकारी अभिजीत राऊत, जिल्हा पोलीस अधिक्षक जळगाव डॉ. प्रविण मुंडे, कार्यकारी अधिकारी डॉ. बी. एन. पाटील यांच्या हस्ते पोलिस वसाहतीत झाले. 

२४ स्‍टॉलवर बरेच काही
जिल्‍ह्‍यातून सेंद्रीय पध्दतीने पिकवलेली केळी, पपई, पेरु, मेहरुणची बोरे त्याचप्रमाणे भाजीपाल्यामध्ये हादगा फुले, शेवगा, भरीत वांगे, कांदा, मशरुम त्याचबरोबर हिमाचल प्रदेशातील शुध्द मध, केळी पिकावर प्रक्रोया केलेले पदार्थ, शुध्द गीर गाईचे देशी तुप याचे उत्पादक शेतकऱ्यांचे २४ स्टॉल लावले होते. या माध्यमातून आपला शेतमाल विक्रीसाठी आणला होता. त्यापैकी जवळपास ९० ते ९५ हजार रुपयांचा पोलिस वसाहतीतील नागरिकांनी या ठिकाणी येवून शेतमाल खरेदी केला. 

आठवड्यातून दोन दिवस बाजार
योजनेंतर्गत शेतकरी, शेतकरी गट, शेतकरी उत्पादक कंपनी यांच्याव्दारे उत्पादीत शेतमाल थेट विक्रीद्वारे ग्राहकास उपलब्ध होणार आहे. याठिकाणी पोलीस बसाहतीतील कुटुंबाना उच्चप्रतीचा शेतमाल मिळाल्याने समाधान व्यक्‍त केले. दर आठवड्यातून दोन दिवस शेतमाल विक्रीसाठी नियोजन करण्याकरीता यशोदाई शेतकरी उत्पादक कंपनीचे संचालक निलेश पाटील, आव्हाणे गावाचे प्रगतशील शेतकरी समाधान पाटील हे करतील. सहाय्यक पोलिस आयुक्त कुमारचिंता, अतिरीक्त पोलीस आयुक्त चंद्रकांत, बॅंक ऑफ बडोदाचे प्रादेशिक व्यवस्थापक अरुण मिश्रा, सहाय्यक महाव्यवस्थापक नाबार्ड श्री. श्रीकांत झांबरे, बँक ऑफ महाराष्ट्राचे विभागीय व्यवस्थापक राजेश देशमुख, जिल्हा अधिक्षक कृषि अधिकारी संभाजी ठाकूर, कृषी उपसंचालक अनिल भोकरे आदी उपस्थित होते. 

संपादन ः राजेश सोनवणे
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com