रावेर तालुक्यात वादळी वाऱ्यासह गारपीट; भाजीपाल्यासह केळीचे पीक आडवे

सातपुडा पर्वत भागात बुधवारी दुपारी साडेचारच्या सुमारास वादळी वाऱ्याचा तडाखा व गारपीट झाली.
rain
rainrain

रावेर : तालुक्यातील उत्तरेकडील सातपुडा पर्वत भागात बुधवारी (ता. २१) दुपारी साडेचारच्या सुमारास जोरदार वादळी वाऱ्यासह गारपीट झाल्यामुळे केळीसह भाजीपाल्याचे मोठे नुकसान झाले.

rain
ब्लॅकने ‘रेमडेसिव्हिर’ इंजेक्शन विकणाऱ्या पॅथाॅलाॅजीचा काळाबाजार उघड

तालुक्यातील सहस्त्रलिंग, जुनोने, गारबर्डी, अभोडा, मंगरूळ, पिंप्री, मोहगण, लालमाती या सातपुडा पर्वत भागात बुधवारी दुपारी साडेचारच्या सुमारास वादळी वाऱ्याचा तडाखा व पावसासह हरभऱ्याएवढी गारपीट झाल्यामुळे शेतकऱ्यांच्या भाजीपाला व केळी पीक आडवे पडून जमीनदोस्त झाले. यामुळे शेतकऱ्यांचे मोठे नुकसान झाले. यामुळे शेतकरी हवालदिल झाला आहे. मंगरूळ शिवारातील लिलाबाई पाटील यांच्या चार एकर शेतातील गवार व काकडी पीक जमीनदोस्त होऊन या भाजीपाला पिकाचे नुकसान झाले आहे, तर अभोडा शिवारात गणेश महाजन यांची ऐन तोडणीला आलेली पाच हजार डाळिंबाच्या झाडांचे वादळी वारा व गारांनी नुकसान झाले आहे. झालेल्या नुकसानीची पाहणीसाठी शेतकरी सायंकाळी शेतात गेले होते. नुकसानीचे पंचनामे व्हावेत, अशी शेतकऱ्यांची मागणी आहे.

संपादन- भूषण श्रीखंडे

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com