जळगावकरांना दिलासा; महापालिकेचे अकराशे कोटींचे अंदाजपत्रक सादर 

जळगाव ः गेल्या वर्षभरापासून कोविडमुळे जळगावकरांची आर्थिक घडी विस्कटली असून, त्यांच्यावर महापालिकेने कोणताही कराचा बोझा न लावता २०२१-२०२२ चे सुधारित शिलकीचे एक हजार १६९ कोटी ७० लाखांचे अंदाजपत्रक गुरुवारी  स्थायी समितीपुढे मांडण्यात आले. प्रशासनातर्फे मांडलेल्या अंदाजपत्रकावर अभ्यास करून निर्णय घेण्यासाठी सभा तहकूब करण्यात आली. 

आवश्य वाचा- पदाधिकारी राष्ट्रवादीचा, गमछा भाजपचा आणि प्रवेश सत्कार मनपा अधिकाऱ्यांचा; काय आहे हा प्रकार? जाणून घ्या  
 

या वेळी आयुक्तांनी २०२०-२०२१ चे सुधारित अंदाजपत्रक, तर २०२१-२२ या वर्षाचे मूळ शिलकीचे अंदाजपत्रक स्थायी समितीपुढे सादर केले. २०२१-२०२२ या वर्षी पहिल्या टप्प्यात भुयारी गटार योजनेचे काम पूर्ण होणे अपेक्षित असून, मलप्रक्रिया कार्यान्वित केली जाणार आहे. ही योजना कार्यान्वितनंतर तिची देखभाल व दुरुस्ती खर्च अधिनियमाच्या तरतुदीनुसार मलप्रवाह कर नव्याने करावा लागणार आहे. त्यात सांडपाणी, शौचालय कनेक्शन जोडणी देताना जोडणी शुल्क आकारणी करावी लागेल. त्यासाठी कर व जोडणी आकारणीचा प्रस्ताव योग्य वेळी महासभेपुढे सादर करण्याचा प्रस्तावित केला आहे. 

आवर्जून वाचा- सुपरफास्ट विशेष गाड्यांचा विस्तार; प्रवाशांचा प्रवास होणार अधिक जलदगतीने
 

सेवाशुल्क आकारणीत वाढ 
महापालिकेमार्फत प्रभागस्तरावरून वेगवेगळे दाखले, उतारे, मिळकत हस्तांतर आदी सेवा दिल्या जातात. यासाठी आकारण्यात येणाऱ्या सेवाशुल्कामध्ये वाढ सुचविलेली आहे. २०२०-२१ या वर्षात ५० कोटी इतके सुधारित उत्पन्न अपेक्षित धरण्यात आले होते. महापालिकेचे उत्पन्न वाढविण्यासाठी थकीत कराची वसुली आकारण्यासाठी सक्तीचे वसुली करावी लागणार आहे. त्यासाठी तशा सूचना देण्यात आल्या असून, २०२१-२०२२ या आर्थिक वर्षात ७५ कोटी ३० लाख रुपये मालमत्ता कराचे उत्पन्न अपेक्षित अंदाजपत्रात धरण्यात आले असल्याचे आयुक्तांनी सांगितले.