रस्ता सुरक्षा अभियान अंतर्गत चार हजार वाहनांवर कारवाईचा दंडूका  ​

जळगाव : जिल्हयात उपप्रादेशिक परिवहन विभाग, जळगाव शहर वाहतूक शाखा व राष्ट्रीय महामार्ग प्राधीरकरणतर्फे सडक सुरक्षा जीवन सुरक्षा या घोषवाक्याला अनुसरुन १८ जानेवारी ते १७ फेब्रुवारीदरम्यान रस्ता सुरक्षा अभियान २०२१ राबविण्यात आले. 

आवश्य वाचा- थराररक घटना : धावत्या ट्रकवर चढले आणि चालकावर केला चाकु हल्ला 
 

अभियानादरम्यान जिल्हाभरात वाहतूक नियमांबाबत जनजागृती, जनजागृतीवर व्याख्यान, पथनाट्य, पॉम्प्लेट वाटप आदी कार्यक्रम पार पडले आहेत. आज १७ फेब्रुवारी रोजी या अभियानाचा समारोप झाला. महिनाभरात अभियानादरम्यान नियमांचे पालन न करणार्‍या ४ हजार १५९ चारचाकी तसेच दुचाकी वाहनांवर कारवाई करण्यात येवून १४ लाख ८३ हजार ८०० रुपयांचा दंड वसूल करण्यात आला आहे. अशी माहिती शहर शहर वाहतूक शाखेचे पोलीस निरिक्षक देवीदास कुनगर यांनी दिले आहेत. 

वाहतूक नियमांचे प्रबोधन 
जळगाव जिल्हयात १८ जानेवारी रोजी रस्ता सुरक्षा अभियानाला सुरुवात झाली. या अभियानांतर्गत जिल्ह्यातील सर्व तालुक्यांमध्ये पथनाट्यांसह पॉम्प्लेट, वाटप, मार्गदर्शन शिबिर या माध्यमातून वाहतुक नियमांबाबत जनजागृती करण्यात आली. संपूर्ण जिल्ह्यात ४० पथनाटय पार पडले. शाळा महाविद्यालयांमध्येही शहर वाहतूक शाखेतर्फे वाहतूक नियमांबाबत प्रबोधनात्मक कार्यक्रम पार पडले. आज या अभियानाचा जळगाव शहरातील बेंडाळे महाविद्यालयातील कार्यक्रमाने समारोप झाला आहे. 

आवर्जून वाचा- भाजप खासदार रक्षा खडसेंची कोरोना टेस्ट पॅाझिटिव्ह; ट्विट करुन दिली माहिती 
 

नियम मोडणारे टार्गेट वर 
महिनाभराच्या अभियानात कारवाईची मोहिम राबविण्यात आली. यात सीटबेल्ट नसणे, वाहन चालवितांना मोबाईलवर बोलणे, ट्रीपल सीट, चुकीच्या बाजूने वाहन चालविणे, वेगाने वाहन चालविणे अशापध्दतीने नियमांचे पालन न करणार्‍या एकूण ४ हजार १५९ वाहनांवर कारवाई करण्यात येवून १४ लाख ८३ हजार ८०० रुपयांचा दंड वसूल करण्यात आला. अशी माहिती जळगाव शहर वाहतूक शाखेचे पोलीस निरिक्षक देवीदास कुनगर यांनी दिली आहे.

संपादन- भूषण श्रीखंडे