जळगाव : शहरातील ईश्वर कॉलनीतील १६ वर्षीय अल्पवयीन मुलीने राहत्या घरात गळफास घेऊन आत्महत्या केली. ही घटना गुरुवारी (ता. १२) दुपारी चारच्या सुमारास उघडकीला आली. साक्षी दिनेश प्रजापत, असे मृत तरुणीचे नाव आहे. आत्महत्या करण्याचे कारण समजू शकले नाही.
साक्षी दिनेश प्रजापत हिचे वडील धान्य मार्केटमध्ये दलालीचे काम करून उदरनिर्वाह करतात. गुरुवारी तिचे वडील कामाला निघून गेले. (Self Death of minor girl by hanging Jalgaon News)
साक्षी आईसोबत घरी होती. दुपारी दोनच्या सुमारास आई गायीला पाणी पाजण्यासाठी बाहेर गेल्या. तेवढ्यात साक्षीने घरात गळफास घेऊन आत्महत्या केली. साक्षीची आई घरात आल्यानंतर मुलीने गळफास घेतल्याचे दिसून आले.
मुलीला पाहताच आईने एकच हंबरडा फोडला. शेजारील नागरिकांच्या मदतीने खाली उतरवून जिल्हा शासकीय वैद्यकीय महाविद्यालयात दाखल केले. तेथे वैद्यकीय अधिकाऱ्यांनी तपासून तिला मृत घोषित केले. याबाबत एमआयडीसी पोलिस ठाण्यात आकस्मिक मृत्यूची नोंद झाली आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.