जळगाव : कुसुंब्यात अज्ञाताने अल्पवयीन बालिकेला पळवले

जळगाव : कुसुबा (ता. जळगाव) येथील १३ वर्षीय अल्पवयीन बालिकेला अज्ञाताने फूस लावून पळवून नेल्याचा प्रकार समोर आला आहे. एमआयडीसी पोलिस ठाण्यात याप्रकरणी गुन्हा दाखल झाला आहे.

कुसुंबा गावात राहणारी १३ वर्षीय अल्पवयीन मुलगी कुटुंबीयांसह वास्तव्याला आहे. शुक्रवारी(ता. १५) सायंकाळी ६ वाजेच्या सुमारास मुलगी घरी एकटी असताना अज्ञात व्यक्तीने तिचे अपहरण करून फूस लावून पळवून नेले. रात्री उशिरापर्यंत मुलगी ही घरी न आल्याने तिच्या नातेवाइकांनी सर्वत्र शोध घेतला, परंतु कुठेही आढळून आली नाही. अखेर मुलीच्या पालकांनी एमआयडीसी पोलिस ठाण्यात धाव घेत तक्रार दिली. त्यांच्या तक्रारीवरून अपहरणाचा गुन्हा दाखल झाला आहे. पुढील तपास पोलिस उपनिरीक्षक अनिस शेख करीत आहे.