जेऊरला कडाक्‍याच्या थंडीत ३०० विद्यार्थ्यांना मायेची ऊब

जेऊर (ता. पुरंदर) - न्यू इंग्लिश स्कूलमध्ये विद्यार्थ्यांना स्वेटर वाटपप्रसंगी जैन सोशल ग्रुप व एकनाथकाका प्रतिष्ठानचे पदाधिकारी.
जेऊर (ता. पुरंदर) - न्यू इंग्लिश स्कूलमध्ये विद्यार्थ्यांना स्वेटर वाटपप्रसंगी जैन सोशल ग्रुप व एकनाथकाका प्रतिष्ठानचे पदाधिकारी.

वाल्हे - जेऊर, मांडकी, वीर, माहूर, पिसुर्टी आदी ठिकाणी शाळांमध्ये जाणाऱ्या ऊसतोडणी मजुरांची मुले व परिसरातील गरजू विद्यार्थ्यांना थंडीत घराबाहेर पडणे मुश्‍कील झाले आहे. अशा परिस्थितीची पर्वा न करता शिक्षणाचे धडे गिरवणाऱ्या ३०० विद्यार्थ्यांना जैन सोशल ग्रुप व सासवड येथील एकनाथकाका प्रतिष्ठानतर्फे स्वेटर वाटप केले. त्यामुळे माणुसकीच्या या उबदार स्पर्शामुळे मुलांच्या चेहऱ्यावर आनंद बहरला.

ऊस हंगामामध्ये ऊस तोडणीसाठी अनेक कुटुंबे पुरंदर तालुक्‍यामध्ये दाखल झाली आहेत. त्यांची शालाबाह्य मुले व काही गरजू मुलांची गरज ओळखून जैन सोशल ग्रुप व सासवड येथील एकनाथकाका प्रतिष्ठानने पुढाकार घेत तालुक्‍यातील ३०० विद्यार्थ्यांना स्वेटर वाटून सामाजिक बांधिलकी जपली. त्यांच्या उपक्रमाचे सर्व सर्वत्र कौतुक होत आहे. या वेळी जैन सोशल ग्रुपचे राजेश जैन, एकनाथकाका प्रतिष्ठानचे संतोष जगताप, सुनील जगताप, राजेंद्र चांदगुडे, चौरंगनाथ कामथे, रवींद्र पवार, यशवंत दगडे, कालिदास पवार, महेश साळुंके, सुरेश देशपांडे, सुधाकर सोनवणे, प्रशांत तांबे, राहुल शिंदे, सोनाली सरक आदी उपस्थित होते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com