रेल्वे रुळावरून चालत 104 चाकरमान्यांनी गाठले खेड 

104 Servicemen Reached Home Town By Walking On Rail Track
104 Servicemen Reached Home Town By Walking On Rail Track

खेड ( रत्नागिरी) - मुंबईतून कोकण रेल्वेच्या रूळावरून पायी चालत येणाऱ्या चाकरमान्यांची संख्या आता 104 झाली आहे. या सर्वांना आता येथील श्रीमान चंदुलाल शेट हायस्कूलमध्ये ठेवले आहे. यात दहा महिलांचा समावेश आहे व दोन लहान मुले आहेत. या सर्वांची राहण्याची व जेवणाची व्यवस्था खेड नगरपालिका आणि नागरिकांकडून मदत घेवून करण्यात आली आहे. 

सुरवातीला चालत येणाऱ्यांची संख्या 25 होती. त्यानंतर 79 जणांची त्यात भर पडली. खेड नगराध्यक्ष वैभव खेडेकर, मुख्याधिकारी प्रसाद शिंगटे यांनी नगरपालिकेच्यावतीने जी मदत लागेल, ती सर्व मदत या चाकरमानी लोकांसाठी केली आहे. सर्वांना वैयक्तिक स्वच्छतेच्या सर्व गोष्टी पुरवण्यात आल्या आहेत. शिवाय त्यांना अंगावर घेण्यासाठी चादर, बेडशीट यांचीही सुविधा दिली आहे. मुरली मनोहर नागरी सहकारी पतसंथेतर्फे 100 चादरी भेट देण्यात आल्या. खेड शहर व्यापारी संघटनेकडून किराणा मालाची व्यवस्था केली आहे. 

चाकरमान्यांना तालुक्‍यात पाठविणार 

मुंबईतून आलेल्या चाकरमान्यांना जिल्ह्यातील त्या त्या तालुक्‍यात ठेवण्यात येणार असल्याची माहिती मुख्याधिकारी शिंगटे यांनी दिली. त्यामुळे खेड प्रशासनावर येणारा अतिरिक्त ताण कमी होणार आहे. आजच या तरुणांना त्यांच्या तालुक्‍यात पाठविण्यात येणार आहे.  

 
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com