आशा वर्कर्स यूनियनचे सिंधुदुर्गात जेलभरो आंदोलन

आशा वर्कर्स यूनियनचे सिंधुदुर्गात जेलभरो आंदोलन

सिंधुदुर्गनगरी - आशा व गटप्रवर्तकांना सेवेत कायम करा, आशांना तिप्पट मोबदला व गटप्रवर्तकांना किमान 3000 मानधनवाढ मिळालीच पाहिजे, या प्रमुख मागण्यांसाठी आज सिंधुदुर्ग जिल्हा आशा वर्कर्स युनियनच्यावतीने ओरोस येथे जेलभरो आंदोलन करण्यात आले. 

आशा व गटप्रवर्तक यांच्या मानधन वाढीचा शासकीय निर्णय होईपर्यंत बेमुदत कामबंद आंदोलन करण्यात आले आहे. तर आज सिंधुदुर्ग जिल्हा आशा वर्कर्स युनियनच्यावतीने युनियनच्या सचिव कॉ. विजयाराणी पाटील यांच्या नेतृत्वाखाली ओरोस छत्रपती शिवाजी पुतळा येथे जेलभरो आंदोलन छेडण्यात आले. या आंदोलनात जिल्ह्यातील शेकडो आशा व गट प्रवर्तक कर्मचाऱ्यांनी सहभाग घेतला.

या आंदोलनात आंदोलनकर्त्या आशा कर्मचाऱ्यांनी रास्तारोको करण्याचा प्रयत्न करताच ओरोस पोलिसांनी प्रतिबंधात्मक कारवाई म्हणून ताब्यात घेतले. आशा वर्कर्स यूनियनच्यावतीने करण्यात आलेल्या जेलभरो आंदोलनातून तीनशेहून अधिक सहभागी आंदोलनकर्त्यांना ओरोस पोलिसांनी प्रतिबंधात्मक कारवाई म्हणून ताब्यात घेतले. 

आज आशा वर्कर्स यूनियनच्यावतीने करण्यात आलेल्या जेलभरो आंदोलनात तीनशेहू अधिक सहभागी आंदोलनकर्त्यांना ओरोस पोलिसांनी ताब्यात घेत त्यांना समज देवून सोडण्यात आले. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com