मांगरात ठेवलेले भात काळसेत अज्ञाताने पेटविले

मांगरात ठेवलेले भात काळसेत अज्ञाताने पेटविले


मालवण- काळसे धामापूर येथील रामदास जुवेकर या शेतकऱ्याने कापणी व झोडपणी करून शेतात ठेवलेल्या सात गोणी भाताला काल रात्री अज्ञाताने आग लावल्याची घटना घडली. या आगीत संपूर्ण भात जळून खाक झाल्याने हजारो रुपयांचे नुकसान झाले. शेती व्यवसायावरच कुटुंबाचा उदरनिर्वाह असणाऱ्या जुवेकर कुटुंबीयांनी भात कापणीनंतर शेत मांगरानजीक गोणीत भरून भात ठेवले होते. आज सकाळी उत्तम परब यांना गोणी ठेवलेल्या ठिकाणी आग लागल्याचे दिसून आले. शेत मांगरानजीक धुराचे लोट दिसून आले. त्यांनी तत्काळ याची माहिती जुवेकर कुटुंबीयांना देत आग विझविली. शेतीसह मोलमजुरी करणाऱ्या जुवेकर कुटुंबीयांवर या आगीमुळे मोठे संकट कोसळले आहे. ही आग नेमकी कोणत्या कारणामुळे लागली, याचा उलगडा झाला नाही.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com