Republic Day 2020 : रत्नागिरीत ध्वजारोहणात भारतीय डाक खात्याचा चित्ररथ....

रत्नागिरी : प्रजासत्ताक दिनादिवशी रत्नागिरीत छत्रपती शिवाजी महाराज स्टेडियममध्ये होणाऱ्या मुख्य ध्वजारोहण कार्यक्रमात २६ रोजी भारतीय डाक खात्याचा चित्ररथ समाविष्ट होणार आहे. डाक विभागाच्या विविध योजनांची माहिती रथाद्वारे दिली जाईल, असे डाकघर अधीक्षक आबा कोड्डा 
यांनी सांगितले.

भारतीय डाक विभागाची स्थापना झाल्यानंतर आजतागायत विविध योजना या विभागाकडून राबवण्यात येत आहेत. शहरातूनही डाक खात्याच्या विविध योजनांना प्रतिसाद लाभत आहे.  नवनवीन योजना या विभागाकडून राबवल्या जात आहेत. या योजनांची माहिती २६ जानेवारी रोजी चित्ररथातून दाखवली जाणार आहे.

हेही वाचा-  रत्नागिरीत या वैद्यकीय अधिकाऱ्यांना मिळाले नाही वेतन....

कोणत्याही कागदपत्राशिवाय २ मिनिटात आता बॅंक खाते सुरू करता येणार आहे. खात्यामध्ये शिलकीची मर्यादा नाही. 
मातृवंदना योजना, जननी सुरक्षा योजना, किसान सन्मान, गॅस सबसीडी, संजय गांधी पेन्शन योजना याशिवाय राज्य व केंद्र सरकारच्या विविध योजनांसाठी ही खाती आवश्‍यक असतात.

हेही वाचा- हर्णैत पारंपरिक मच्छीमार का झाले आक्रमक ..?

स्कॉलरशिप खाती, लाईट बिल स्वीकारणे, चेक जमा सुविधा, इतर बॅंकिंग सुविधा, वेगवेगळे इन्शुरन्स, पोस्टाच्या आरडी, सुकन्या समृद्धी योजना, पीपीएफ यासारखे उपक्रम जनतेच्या पसंतीस उतरत आहेत. या योजनांची जनजागृती करण्यासाठी रत्नागिरी डाक विभागाचे प्रयत्न सुरू आहेत. मुख्य डाकघर अधीक्षक आबा कोड्डा यांनी यासाठी पुढाकार घेतला आहे. त्यादृष्टीने तसे नियोजन केले जात आहे. या उपक्रमात डाक विभागाचे कर्मचारीही सहभागी होणार आहेत. हा चित्ररथ आकर्षक व्हावा, त्याचे प्रभावी सादरीकरण केले जावे, यासाठी कर्मचारीही मेहनत घेत आहेत.