लांजा : मॉन्सूनपूर्व पावसाचा फटका कोकण रेल्वेला बसला असून लांजा तालुक्यातील वेरवली खुर्द (मांडवकरवाडी) बोगद्याजवळ रेल्वे रुळावर दगड कोसळल्याने कोकण रेल्वेची वाहतूक विस्कळीत झाली. हा प्रकार सायंकाळी ६.२० वाजण्याच्या सुमारास घडला. सुमारे अडीच तासांनंतर वाहतूक सुरळित झाली. मात्र याचा फटका चाकरमान्यांना बसला आहे.
ही घटना घडल्यानंतर गोव्याच्या दिशेने जाणारी नेत्रावती एक्सप्रेस रत्नागिरीत, मुंबईकडे जाणारी जन शताब्दी वैभववाडीत, तेजस एक्सप्रेस कणकवलीमध्ये थांबवून ठेवली आहे.
मॉन्सूनपूर्व पावसाच्या पहिल्याच दणक्यात दगड रेल्वे मार्गावर आले. दरड कोसळल्याचे कर्मचाऱ्यांच्या निदर्शनास येताच आपत्कालीन यंत्रणा तातडीने घटनास्थळी दाखल झाली. रुळावरील दरड हटवण्याचे काम युद्धपातळीवर हाती घेण्यात आले. चाकरमान्यांना परतीच्या प्रवासासाठी रेल्वे सोयीस्कर आहे. त्यामुळे या मार्गावर चाकरमान्यांची प्रचंड गर्दी होतीत्यात आज वाहतूक विस्कळीत झाली. त्यामुळे प्रवाशांमध्ये तारांबळ उडाली आहे.
दरम्यान, रेल्वे मार्गावरील कोसळले दगड, माती बाजूला काढण्याचे काम रेल्वे प्रशासनाकडून युद्ध पातळीवर सुरू होते. रात्री सव्वा आठ वाजण्याच्या सुमारास वाहतूक सुरु झाली. दरम्यान, घटना घडली तेव्हा पॅसेंजर गाड्या त्या परिसरातून धावत नव्हत्या. त्यामुळे अनुचित प्रकार टळला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.