राज्यातील गोरगरीबांची उपासमार कधी थांबणार? ठाकरेंनी आतातरी बोलावं; नारायण राणेंचा निशाणा

रत्नागिरी : राज्यातील अनेक व्यवसायिकांवर उपासमारीची वेळ आली आहे. याला कारण लॉकडाउन आहे आणि लॉकडाउनला सर्वस्वी जबाबदार राज्याचे मुख्यमंत्री उद्धव ठाकरे (Chief Minister Uddhav Thackeray)आहेत, अस ट्वीट करत राज्याचे माजी मुख्यमंत्री आणि भाजप चे खासदार नारायण राणे(MP Narayan Rane)यांनी मुख्यमंत्री उद्धव ठाकरे यांच्यावर निशाणा साधला आहे.कोरोनाची सध्याची परिस्थिती आणि भविष्यात येणारी तिसरी लाट लक्षात घेऊन राज्य सरकारने अनलॉक चे पंच टप्पे केले आहेत. मात्र यामध्ये लोकडाऊनमुळे त्रस्त मध्यम आणि सर्वसामान्य व्यक्तीला आधार देण्यासाठी कोणतीही दिलासादायक तरतूद केलेली नाही यावरून खासदार राणे यांनी मुख्यमंत्री उद्धव ठाकरे यांच्यावर निशाणा साधला आहे. त्यांनी ट्वीट करून ठाकरेंना लक्ष केलं आहे. (mp-narayan-rane-criticism-chief-minister-uddhav-thackeray-political-marathi-kokan-news)

ते म्हणाले, 'राज्यातील उदयोगधंदे बंद, हॉटेल व्यवसायासह अन्य व्यवसाय बंद, छोटे व मोठे असे सर्व व्यावसायिक आर्थिक संकटात असून त्यांच्यावर उपासमारीची वेळ आली आहे. याला कारण लॉकडाउन आहे आणि लॉकडाउनला सर्वस्वी जबाबदार राज्याचे मुख्यमंत्री उद्धव ठाकरे आहेत.'

हेही वाचा- कोकणातील आरोग्य व्यवस्था राष्ट्रीय आपत्ती प्राधिकरणाने ताब्यात घ्यावी; निलेश राणेंचे आरोग्यमंत्र्यांना पत्र

कोरोनाची दुसरी लाट सूरु आहे. त्यात अनेक जिल्हे बाधित आहेत. त्यावर नियंत्रण ठेवण्यासाठी यंत्रणा कमी पडत आहे. त्यात लोकडाऊनमुळे अनेकांचा रोजगार बुडाला आहे. त्यांची बाजू उचलून उचलून धरत खासदार राणे यांनी पुन्हा आक्रमक पवित्र घेतला आहे. या निमित्ताने मुख्यमंत्री ठाकरे यांना लक्ष करण्याची संधीही त्यांनी साधली.

ट्वीट द्वारे मुख्यमंत्री यांच्यापुढे प्रश्न उपस्थितीत केले असून त्याची उत्तरे ही मागितली आहेत. ते म्हणाले, राज्यातील ही परिस्थिती कधी, कशी आणि कोण बदलणार? राज्यातील गोरगरीबांची उपासमार कधी थांबणार? उदयोगधंदे सुरु होऊन बेकारी कशी कमी होईल. याबद्दल कधीतरी मुख्यमंत्र्यांनी बोलावे.