भाजपमधून हकालपट्टी केलेले पारकर, रावराणे, प्रभूगावकर सेनेत

कणकवली ः शिवसेनेच्या जाहीर सभेत उद्धव ठाकरे यांनी संदेश पारकर यांना शिवबंधन बांधले, सोबत अतुल रावराणे, संग्राम प्रभुगावकर, शिवसेना उमेदवार आदी.
कणकवली ः शिवसेनेच्या जाहीर सभेत उद्धव ठाकरे यांनी संदेश पारकर यांना शिवबंधन बांधले, सोबत अतुल रावराणे, संग्राम प्रभुगावकर, शिवसेना उमेदवार आदी.

कणकवली - कोकण सिंचन महामंडळाचे माजी उपाध्यक्ष संदेश पारकर, जिल्हा बॅंकेचे संचालक दिगंबर पाटील यांच्यासह भाजपचे नेते अतुल रावराणे, जि. प. माजी अध्यक्ष संग्राम प्रभूगावकर, भाजपचे माजी तालुकाध्यक्ष संदेश सावंत-पटेल, वैभववाडी सभापती लक्ष्मण रावराणे यांनी शिवसेनेत प्रवेश केला. पक्षप्रमुख उद्धव ठाकरे यांनी त्यांना शिवबंधन बांधले. यामुळे आता जिल्ह्यात शिवसेनेची ताकद मोठ्या प्रमाणात वाढल्याचे चित्र आहे. 

विधानसभा निवडणुकीच्या प्रचारासाठी ठाकरे यांच्या आज कणकवली आणि सावंतवाडी येथे जाहीर सभा झाल्या. विशेष म्हणजे कणकवलीच्या सभेकडे सर्वांचे लक्ष लागून राहिले होते. उद्धव ठाकरे काय बोलणार याची उत्कंठा शिवसैनिकांना होती. तत्पूर्वी जिल्ह्यातील प्रमुख नेतेमंडळींचे पक्षप्रवेश झाले.

दरम्यान, याचबरोबर शिक्षण क्षेत्रात काम करणारे फोंडाघाट येथील नामदेव मराठे, विलास कोरगांवकर, दिपक सांडव, गिरीधर रावराणे यांनी श्री. ठाकरे यांच्या उपस्थितीत शिवसेनेत प्रवेश केला. पक्षप्रवेशासाठी विविध भागातून कार्यकर्ते मोठ्या संख्येने व्यासपीठाच्या डाव्या बाजूला बसविण्यात आले होते; मात्र वेळेअभावी प्रमुख नेतेमंडळींनाच शिवबंधन बांधण्यात आले.

थेट व्यासपीठावर
भाजपमधून हकालपट्टी केल्याने श्री. पारकर, श्री. रावराणे आणि श्री.पटेल हे थेटपणे व्यासपीठावर दाखल झाले होते. गेले काही दिवस ते शिवसेना उमेदवार सतीश सावंत यांचा प्रचार करत होते. काँग्रेससोबत नारायण राणे असताना ज्यांना जि.प.चे अध्यक्षपद देण्यात आले होते, असे प्रभूगावकरही शिवसेनेत दाखल झाले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com