रायगडमध्ये चार नद्यांनी गाठली इशारा पातळी

नद्या इशारा पातळीपाशी
अलिबाग : घाटमाथ्यावर सुरू झालेल्या मुसळधार पावसाने रायगड जिल्ह्यातील सावित्री, अंबा, कुंडलिका, पाताळगंगा या चार प्रमुख नद्यांनी इशारा पातळी गाठली आहे. पाणी पातळी वाढण्याची शक्यता पाहून नदीकाठच्या नागरिकांना सावधानतेच्या सूचना देण्यात आल्या आहेत. बुधवारी सायंकाळपर्यंत जिल्ह्यात कोणतीही अनूचित घटना घडली नसल्याची माहिती आपत्ती व्यवस्थापन अधिकारी सागर पाठक यांनी दिली.