संक्षिप्त

कोंडवशीतील विहारास चित्रमय
बुद्ध, धम्म ग्रंथांची प्रतिकृती भेट
खेड ः पंचशील विकास मंडळ, कोंडवशी-केळवली आणि यशोधरा महिला मंडळ, (ता. राजापूर) यांना ५० व्या सुवर्णमहोत्सवी वर्षानिमित्ताने पंचशील बुद्ध विहार मुंबई मनपाचे माजी प्रशासकीय अधिकारी एम. ए. जाधव यांनी, त्यांच्या सुंदर अक्षरात चित्रमय बुद्ध आणि त्यांचा धम्म या ग्रंथांची प्रतिकृती भेट स्वरूपात देण्यात आली. या वेळी सद्धमकार प्रा आनंद देवडेकर, लेणी संवादचे प्रफुल्ल पुरळकर, कोंडवशी मुंबई मंडळचे अध्यक्ष प्रदीप तांबे, खजिनदार भाऊराव तांबे आदी उपस्थित होते.
-- -------------------
दीप्ती यादव यांना पुरस्कार प्रदान
खेड ः रत्नसिंधू कलामंच या संस्थेच्या वतीने खेड तालुक्यातील वाडीबीड गावातील पूर्ण प्राथमिक शाळा वाडीबीड या शाळेतील पदवीधर शिक्षिका दीप्ती यादव यांना या वर्षीचा रत्नसिंधू कलामंच या संस्थेचा राज्यस्तरीय नारीशक्ती सन्मान हा राज्यस्तरीय पुरस्कार साहित्य चळवळीचे अभ्यासक व राजापूर कोदवली अध्यापक विद्यालयाचे प्राचार्य मारुती कांबळे यांच्या हस्ते प्रदान करण्यात आला. शालेय गुणवत्ता वाढ, कला व सांस्कृतिक क्षेत्रातील यांचे कार्य लक्षात घेऊन रत्नसिंधू कलामंच या संस्थेने त्यांना रत्नागिरी येथे मानपत्र, मानचिन्ह, पुस्तक प्रदान करून राज्यस्तरीय नारी सन्मानाने गौरविण्यात आले.
--