रत्नागिरी ः शामराव पेजे महामंडळातर्फे कर्ज योजना

शामराव पेजे महामंडळातर्फे कर्ज योजना

रत्नागिरी, ता. १२ ः समाजातील इतर मागासवर्गीयांच्या आर्थिक उन्नतीसाठी शामराव पेजे कोकण इतर मागासवर्ग आर्थिक विकास महामंडळामार्फत विविध कर्जयोजना राबवण्यात येतात. महामंडळाकडून थेट कर्ज योजना १ लाख ही योजना राबवण्यात येत आहे. या योजनेचा लाभ घेण्यासाठी अर्जदाराचे वय १८ ते ५५ वर्षे असावे. त्याचे कौंटुबिक वार्षिक उत्पन्न १ लाखापेक्षा जास्त नसून जातीचा दाखला, रेशनकार्ड, आधारकार्ड, पॅनकार्ड व इतर कागदपत्रे आवश्यक आहेत. कर्ज बिनव्याजी असून, कर्ज परतफेडीचा कालावधी ४ वर्षे असणार आहे. कर्ज मंजुरीनंतर शासकीय जामीनदार व इतर वैधानिक दस्तावेज आवश्यक आहेत. कर्जासाठीचे अर्ज उपलब्ध आहे. या योजनेचा लाभ घेण्यासाठी व इतर माहितीकरिता जिल्हा व्यवस्थापक प्रीती पाटील यांच्याशी संपर्क साधावा.