महेश सारंग यांची बांदा सोसायटीला भेट

21717
बांदा ः जिल्हा बँक संचालक महेश सारंग यांचे स्वागत करताना घनःश्याम बांदेकर, बाळू सावंत आदी. (छायाचित्र ः नीलेश मोरजकर)

महेश सारंग यांची
बांदा सोसायटीला भेट
बांदा ता. १४ ः सिंधुदुर्ग जिल्हा बँकेच्या शेतकऱ्यांच्या हितासाठी विविध योजना आहेत. शेतकऱ्यांनी त्यांचा लाभ घ्यावा. दुग्ध उत्पादन वाढीसाठी जिल्हा बँक नेहमीच शेतकऱ्यांच्या पाठीशी राहील. यासाठी बांदा सोसायटीने शेतकऱ्यांना योजना राबविण्यासाठी प्रोत्साहित करावे, असे आवाहन जिल्हा बँक संचालक महेश सारंग यांनी येथे केले. श्री. सारंग यांनी येथील विकास सोसायटीला भेट देत नूतन संचालक मंडळाचे अभिनंदन केले. यावेळी सोसायटी अध्यक्ष घनःश्याम बांदेकर, उपाध्यक्ष राजाराम उर्फ बाळू सावंत यांनी त्यांचे स्वागत केले. जिल्हा बँकेच्या विविध लोकोपयोगी योजनांची माहिती श्री. सारंग यांनी उपस्थितांना दिली. यावेळी संचालक आदाम आगा, संजय चांदेकर, आप्पाजी देसाई, भिकाजी धुरी, सुभाष परब, लक्ष्मण सावळ, अर्चना आंबेलकर, कामिनी कुडव, देऊ मळगावकर, जानू बुटे, लक्ष्मण जाधव आदी उपस्थित होते. बाळू सावंत यांनी सूत्रसंचालन केले.