डोळ्यात मसाला फेकून वृद्धासह नातवाला मारहाण

डोळ्यामध्ये मसाला फेकून
वृद्धासह नातवाला मारहाण

हरकुळ खुर्दमध्ये सहा जणांवर गुन्हे

कणकवली, ता.१४ : हरकुळ खुर्द -सुतारवाडी (ता. कणकवली) येथील महादेव बाळकृष्ण मेस्त्री (वय ७०) आणि त्यांचा नातू तुषार यांना डोळ्यात मसा फेकून मारहाण केल्याबाबत तेथीलच सहा जणांविरोधात येथील पोलिस ठाण्यात गुन्हा दाखल करण्यात आला. नंदकुमार वामन कुलकर्णी व त्याची पत्नी, बाळकृष्ण वामन कुलकर्णी, निरंजन नंदकुमार कुलकर्णी, स्वामी कुलकर्णी व त्याची आई, अशी संशयितांची नावे आहेत.
फिर्यादीत म्हटले आहे की, घटना गुरुवारी (ता.१२) सकाळी साडेअकराच्या सुमारास हरकुळ खुर्द येथे घडली. तेथील एका जमिनीवरून मेस्त्री व कुलकर्णी यांच्यात वाद आहेत. महादेव हे नातवासह आंबे काढत असताना तेथे आलेल्या संशयितांनी त्यांना दांड्याने मारहाण करतानाच त्यांच्या डोळ्यात मसालाही फेकला. या प्रकरणी पोलिसांनी सहा जणांविरोधात गुन्हा दाखल केला आहे.