चिपळूण-चिपळुणात आज हिंदू एकता दिंडी

चिपळुणात आज हिंदू एकता दिंडी

चिपळूण, ता. १४ ः हिंदू राष्ट्र स्थापनेसाठी संघटित होण्यासाठी प्रयत्न सुरू आहेत. या संघटित शक्तीचा आविष्कार दर्शवण्याकरिता चिपळुणात रविवारी (ता. १५) हिंदू एकता दिंडीचे आयोजन करण्यात आले आहे. यामध्ये तरुणांचा विशेष प्रतिसाद मिळत आहे. शहरातील शंकरवाडी, मुरादपूर, वाणीआळी, पेठमाप,ओझरवाडी या भागातील बैठकांना उत्स्फूर्त प्रतिसाद लाभला आहे. खडपोली, आंबडससह ग्रामीण भागातील प्रसार बैठकांना हिंदूंचा उत्स्फूर्त प्रतिसाद लाभत आहे. हिंदू एकता दिंडीमध्ये वारकरी बांधव दिंडीसह, धर्मप्रेमी चित्ररथ, लेझिमपथक, ढोलताशे, सनई या वाद्यांसह सहभागी होणार आहेत. शहरातील श्री विरेश्वर मंदिर येथून दिंडीला सुरवात आणि बाजारपेठमार्गे जाऊन वेसमारुती येथे सांगता होणार आहे.