कणकवली : कातडे जप्त

बिबट्याचे कातडे
कणकवलीजवळ जप्त
कणकवली, ता. १४ : स्थानिक गुन्हा अन्वेषण विभागाच्या पथकाला मिळालेल्या गुप्त माहितीनुसार कणकवली तालुक्यात दारूम या गावातून आज पोलिसांनी बिबट्याचे कातडे जप्त केले. या प्रकरणी संशयितांचा शोध सुरू असून तालुक्‍यातच बिबट्याची शिकार झाल्‍याची शक्‍यता आहे.
याबाबत पोलिसांनी दिलेली माहिती अशी ः दारूममध्ये बिबट्याचे कातडे असून लवकरच त्‍याची विक्री केली जाणार असल्‍याची माहिती मिळाली. त्‍यानुसार स्थानिक गुन्हा अन्वेषणच्या पथकाने गावात जाऊन बिबट्याचे कातडे जप्त केले. या प्रकरणातील संशयितांकडून माहिती घेतली जात आहे. या बिबट्याची शिकार केव्हा झाली तसेच शिकारीत कोण सहभागी आहेत, तसेच कातडे कुणाला विकले जाणार होते, अशा दिशेने तपास सुरू आहे.