इन्सुलीत आज धार्मिक कार्यक्रम

22018
संत सोहिरोबानाथ

इन्सुलीत आज धार्मिक कार्यक्रम
बांदा ः इन्सुली-डोबाशेळ येथील संत सोहिरोबानाथ आत्मसाक्षात्कार मंदिरात उद्या (ता. १६) साक्षात्कार दिन सोहळा साजरा होत आहे. यानिमित्ताने दिवसभर विविध धार्मिक व सांस्कृतिक कार्यक्रमांचे आयोजन केले आहे. सकाळी सहाला काकड आरती, साडेआठला श्रींच्या पादुकांवर अभिषेक, साडेनऊला धार्मिक कार्यक्रम, अकराला सभामंडप भूमिपूजन, दुपारी आरती, तीर्थप्रसाद व महाप्रसाद, सायंकाळी सहापासून पालखी सोहळा, रात्री साडेनऊला कलेश्वर दशावतार मंडळाचा ‘गज वज्रकाय संगम’ हा नाट्यप्रयोग होणार आहे. भाविकांनी श्री दर्शनाचा लाभ घ्यावा, असे आवाहन संत सोहिरोबानाथ सेवा समिती, इन्सुली उत्कर्ष कला क्रीडा व व्यायाम मंडळाने केले आहे.