संगमेश्वर-डंपरची मोटारीला धडक

बावनदी येथे डंपरची मोटारीला धडक;
पळणाऱ्या चालकाला ग्रामस्थांनी पकडले
संगमेश्वर, ता. १६ ः मुंबई गोवा राष्ट्रीय महामार्गावर बावनदी येथे डंपरने मोटारीला धडक दिल्याने अपघात झाला. सोमवारी (ता. १६) सायंकाळी सव्वापाचच्या सुमारास झालेल्या या अपघातात कोणतीही जीवितहानी झाली नाही.
रत्नागिरीहून संगमेश्वरच्या दिशेने जाणाऱ्या डंपरने बावनदी येथे मुंबईहून रत्नागिरीच्या दिशेने येणाऱ्या मोटारीला ड्रायव्हर बाजूने फरफटत नेले. या धडकेत कारच्या उजव्या बाजूचा टायर फुटून गाडीचेही नुकसान झाले आहे. सुदैवाने मोटारीतील कोणालाही दुखापत झाली नाही. मात्र, अपघात केल्यानंतर डंपर चालकाने डंपर सुसाट पळवण्याचा प्रयत्न केला. मात्र, देवरुखच्या दिशेला जाणाऱ्या कॉर्नरवर त्याला ग्रामस्थांनी अडवले. या घटनेची खबर पोलिसांना देण्यात आली.