रत्नागिरी ः जिल्हा क्रीडा संकुलाला 3 कोटी 45 लाख प्राप्त
-rat19p39.JPG
23015
- रत्नागिरी ः दूरदृश्य प्रणालीद्वारे जिल्हा क्रीडा संकुलचा आढावा पालकमंत्री अ‍ॅड. अनिल परब यांनी घेतला.
------------------
जिल्हा क्रीडा संकुलाला साडेतीन कोटी प्राप्त
पालकमंत्री अ‍ॅड. परब यांची माहिती; तांत्रिक बाबींची पूर्तता करण्याचे निर्देश
सकाळ वृत्तसेवा
रत्नागिरी, ता. १९ ः शहराजवळील मिरजोळे येथील प्रस्तावित जिल्हा क्रीडा संकूल मंजूर १५ कोटी निधीपैकी ३ कोटी ४५ लाख रुपये प्राप्त झाले आहेत. या कामाला गती मिळण्याच्या दृष्टिकोनातून लवकरात लवकर तांत्रिक बाबी पूर्ण करा, असे निर्देश पालकमंत्री अ‍ॅड. अनिल परब यांनी दिले.
दूरदृश्य प्रणालीद्वारे झालेल्या बैठकीत याबाबतचा आढावा पालकमंत्री अ‍ॅड. परब यांनी घेतला. या वेळी उच्च व तंत्र शिक्षणमंत्री उदय सामंत ऑनलाइन पद्धतीने बैठकीत सहभागी झाले. जिल्हाधिकारी कार्यालयात या बैठकीस जिल्हाधिकारी डॉ. बी. एन. पाटील, जिल्हा परिषद मुख्य कार्यकारी अधिकारी डॉ. इंदूराणी जाखड, पोलिस अधीक्षक मोहितकुमार गर्ग, बांधकाम विभागाच्या अधीक्षक अभियंता छाया नाईक, जिल्हा क्रीडा अधिकारी किरण बोरवडेकर, उपवन संरक्षक प्रियंका लगड आदी उपस्थित होते.
जिल्हा क्रीडा संकुलात खेळाची मैदाने ४०० मीटर ट्रॅक तसेच फुटबॉल मैदान आदींचे नियोजन आहे. याचे अंदाजपत्रक १८ कोटी ८० लाख रुपये इतके आहे. या संकुलासाठी मंजूर १५ कोटी निधीपैकी ३. ४५ कोटी रुपये प्राप्त झाले असून तालुका क्रीडा संकुलासाठी मंजूर ५ कोटी पैकी १ कोटी रुपये प्राप्त आहेत. जिल्ह्यात खेळाडूंची संख्या अधिक आहे. तालुका क्रीडा समितीचे अध्यक्ष उच्च व तंत्र शिक्षणमंत्री सामंत यांनी प्राप्त १ कोटीचा निधी जिल्हा संकूल निधीला वर्ग केला आहे. एकूण ४ कोटी ४५ लाख रुपयांतून या कामास सुरवात करा. पुढील निधी उपलब्ध करून देऊ, असे पालकमंत्री परब यांनी सांगितले.
...
चौकट
शिवाजी महाराज क्रीडा संकुलाचे रंगकाम होणार
मारुती मंदिर येथील सध्याच्या छत्रपती शिवाजी महाराज क्रीडा संकुलास कबड्डी मॅटस् खरेदी केल्या आहेत. १५ लाख रुपये खर्चून बास्केटबॉल कोर्टचे काम होणार आहे. या शहराच्या महत्वाच्या ठिकाणी असलेल्या संकुलाच्या रंगकामास आजच्या बैठकीस मान्यता देण्यात आली.
-------------------
चौकट
प्राणीसंग्रहालयाचा प्रस्ताव नागपुरात
मालगुंड येथील प्रस्तावित प्राणी संग्रहालयाच्या कामाचाही या बैठकीत आढावा घेण्यात आला. १५. ४९ हेक्टर क्षेत्रात हे लघु प्राणीसंग्रहालय प्रस्तावित आहे. यासाठी ६३ कोटी ११ लाख रुपये निधी लागणार आहे. मंत्री सामंत यांच्या संकल्पनेतील हे संग्रहालय गणपतीपुळेपासून १० किलोमीटर अंतरावर आहे. गणपतीपुळेत वर्षाला २० लाख पर्यटक भेट देतील. त्या सर्वांसाठी या निमित्त आणखी एक आकर्षण स्थळ निर्माण होईल. याबाबतचा प्रस्ताव नागपूर येथील मुख्यवन संरक्षक यांच्या कार्यालयास पाठवण्यात आला आहे. याचा पाठपुरावा करण्याच्या सूचना पालकमंत्री परब यांनी दिल्या.
..
ग्राफ करावा
...
एक नजर..
क्रीडा संकुलाचे अंदाजपत्रकः १८ कोटी ८० लाख
मंजूर निधीः १५ कोटी
मंजूरपैकी प्राप्त झालेः ३. ४५ कोटी
तालुका क्रीडा संकुलासाठी ५ कोटी प्राप्तः १ कोटी
हे ही वाचा
