‘एमबीबीएस’मध्ये जुई निगुडकरचे यश

23601
जुईसमवेत वडील डॉ. संजय निगुडकर, आई सुमेधा.

‘एमबीबीएस’मध्ये
जुई निगुडकरचे यश
कुडाळ, ता. २२ ः कुडाळ हिंदू कॉलनी येथील जुई निगुडकर ही के.ई.एम हॉस्पिटल व सेठ जी. एस. मेडिकल कॉलेजच्या एम. डॉक्टरीच्या एम.बी.बी.एस. अभ्यासक्रमाची अंतिम परीक्षा ७३.११ टक्के मिळवून उत्तीर्ण झाली.
सेठ जी.एस. मेडिकल कॉलेज व संलग्न के.ई.एम हॉस्पिटल हे महाराष्ट्रातील एक नंबरचे अग्रणीय कॉलेज व हॉस्पिटल समजले जाते. तेथे एम.बी.बी.एस.च्या अभ्यासक्रमाला प्रवेश मिळविण्यासाठी तीव्र चुरस असते. महाराष्ट्रातील व महाराष्ट्राबाहेरील विद्यार्थी प्रथम प्राधान्याने वैद्यकीय शिक्षणासाठी तेथे प्रवेश घेतात. जुईने तिचे प्रायमरी व सेकंडरी शिक्षण येथील कराची महाराष्ट्रीयन शिक्षण कुडाळ प्रसारक मंडळाच्या कुडाळ हायस्कूलच्या इंग्लिश मीडियम हायस्कूलमधून केले. २०१४ मध्ये ती दहावीमध्ये इंग्लिश माध्यमातून सिंधुदुर्गातून प्रथम आली होती. शिवाय तेथून चौथी व सातवीच्या शिष्यवृत्तीही तिने मिळविल्या होत्या. त्यापुढे अकरावी, बारावीचे शिक्षण मुंबईत करून ती मेडिकल कॉलेज प्रवेश परीक्षा, ऑल इंडिया नीटच्या परीक्षेत सुयश मिळवून ऑल इंडिया व महाराष्ट्रातून अव्वल रॅंक मिळविला. त्यानंतर के.ई.एम हॉस्पिटल व जी.एस. मेडिकल कॉलेज येथे प्रवेश मिळविला होता. आता इंटर्नशिप संपल्यावर पदव्युत्तर अभ्यासक्रमाची ऑल इंडिया प्रवेश परीक्षा देणार असून ‘नेत्रशल्यचिकित्सा’ या विषयाकडे तिचा विशेष कल असल्याचे तिने सांगितले.