पावस-पावस गटात शिवसेना देणार नवीन चेहरा

शिवसेना व भाजप चिन्ह वापरा
...
शिवसेना देणार नवीन उमेदवाराला
संधी?, भाजपची अजून चाचपणी

जिल्हा परिषद निवडणूक; पावस गटातील चित्र
सकाळ वृत्तसेवा
पावस, ता. ३९ ः आगामी जिल्हा परिषद निवडणुकीच्या पार्श्वभूमीवर पावस जिल्हा परिषद गटामध्ये शिवसेना नवीन उमेदवाराला संधी मिळण्याची शक्यता आहे. विद्यमान विभागप्रमुखांना उमेदवारी मिळण्याची शक्यता कमी आहे. भाजपच्या गोटामध्ये गटाचे राजकारण असल्याने अद्याप शांतता आहे.
पावस जिल्हा परिषद गटांमध्ये सध्या शिवसेनेचे वर्चस्व आहे. त्यामुळे कोणत्याही उमेदवाराला टिळा लावल्यानंतर तो निवडून येईल, अशी स्थिती आहे. विद्यमान शिवसेनाप्रमुख किरण तोडणकर उमेदवारीसाठी प्रयत्नशील आहेत. आत्तापर्यंत या विभागांमध्ये तोडणकर व पावस्कर पती-पत्नी व्यतिरिक्त उमेदवारी देण्यात आलेली नाही. त्यामुळे शिवसेनेचे राजकारण या दोन कुटुंबाच्या बाहेर गेलेले नाही. त्यामुळे तोडणकर यांनी यावेळीही संपर्क सुरू केला आहे. गेली १५ वर्षे पावस शिवसेना विभागप्रमुख पद संभाळत आहेत. त्यामुळे या गटावर सध्यातरी त्यांचे वर्चस्व आहे. यापूर्वी त्यांच्या पत्नी आरती तोडणकर यांना पाच वर्षे सरपंचपद व आता जिल्हा परिषद सदस्यपद देण्यात आले. त्यामुळे नवीन उमेदवारांना संधी देण्याचे धोरण सध्या वरिष्ठ पातळीवर सुरू असल्याने तोडणकर यांचा पत्ता कट होण्याची शक्यता आहे.
पावस्कर पती-पत्नींना ग्रामपंचायत सदस्य व जिल्हा परिषद सदस्य व सरपंचपद आणि तालुका संघटकपद असल्याने त्यांचा पत्ता अगोदरच कट करण्यात आला आहे. पावस गटामध्ये शिवसंपर्क अभियान सुरू असल्याने संघटना बांधणीचे काम सुरू आहे. त्यातून यावेळेला नवीन चेहऱ्याला संधी द्यावी, अशी मागणी जोर धरू लागली आहे. वरिष्ठ पातळीवरून घरामध्ये सर्व पदे असलेल्या पदाधिकाऱ्यांना उमेदवारी देण्यास विरोध असल्याने किरण तोडणकर यांची स्थिती कठीण बनण्याची शक्यता आहे.
...
चौकट
तोडणकर यांना उमेदवारी मिळाल्यास..
भाजपाच्या वतीने सध्या चाचपणी सुरू आहे. मागील निवडणूक स्वबळावर झाल्याने ताकदीचा अंदाज आला आहे. सध्या या परिसरात बाळ माने, दीपक पटवर्धन व नीलेश राणे हे तीन गट कार्यरत आहेत. हे तिन गट एकत्र झाल्यास संभाव्य जिल्हा परिषद निवडणुकीत शिवसेनेला टक्कर देऊ शकतात. सेनेकडून तोडणकर यांना उमेदवारी मिळाल्यास निर्माण होणाऱ्या नाराजीचा फायदा भाजप उमेदवाराला मिळण्याची शक्यता वर्तवली जात आहे.
------------