वहिनीस मारहाणप्रकरणी मालवणात दिरावर गुन्हा

वहिनीस मारहाणप्रकरणी
मालवणात दिरावर गुन्हा
सकाळ वृत्तसेवा
मालवण, ता. २ : शहरातील धुरीवाडा येथे दिराने वहिनीला धारधार वस्तूने दुखापत करून मारहाण केल्याची घटना घडली आहे. याप्रकरणी रिया राजेश पाटकर यांनी पोलीसात दिलेल्या तक्रारीनुसार प्रविण हनुमंत पाटकर याच्याविरोधात पोलिसांनी विविध कलमान्वये गुन्हा दाखल केला आहे.
पोलिसांनी दिलेली माहिती अशी ः सौ. रिया पाटकर या ३० मे रोजी सायंकाळी ५ वाजता बाजारातून काम करून धुरीवाडा येथील घरी गेल्या असता प्रविण पाटकर याने हे माझे घर आहे तुम्ही रहायचे नाही. तुम्ही या घरातून बाहेर पडा नाहीतर तुम्हाला मारून टाकणार असे सांगत शिविगाळ करून रिया यांच्या गळ्याला पकडले. तसेच धारधार वस्तूने रिया यांच्या हनुवटीवर मारून दुखापत केली. त्यावेळी प्रविण पाटकर मारहाण करेल या भितीने रिया या रेवतळे येथील माहेरी गेल्या. एक जूनला रिया यांचा मुलगा पंचम हा धुरीवाडा येथे कपडे आणण्यासाठी गेला असता प्रविण पाटकर याने पंचम याला तुम्हाला सर्वांना घरातून बाहेर काढणार व ठार मारणार अशी धमकी दिली. पोलीस निरीक्षक विजय यादव यांच्या मार्गदर्शनाखाली पोलीस अधिक तपास करत आहेत.