सावंतवाडी भोसले पॉलिटेक्निकमध्ये 2022-23 साठी प्रवेश प्रक्रिया सुरू

सावंतवाडी भोसले पॉलिटेक्निकमध्ये
२०२२-२३ साठी प्रवेश प्रक्रिया सुरू
सकाळ वृत्तसेवा
सावंतवाडी, ता. ५ ः पॉलिटेक्निक अर्थात डिप्लोमा इन इंजिनिअरिंग अभ्यासक्रमाची शैक्षणिक वर्ष २०२२-२३ वर्षाची प्रवेश प्रक्रिया येथील यशवंतराव भोसले पॉलिटेक्निक येथे सुरू झाली आहे. महाराष्ट्र शासनाच्या तंत्रशिक्षण संचालनालयाचे अधिकृत प्रवेश प्रक्रिया केंद्र भोसले पॉलिटेक्निकमध्ये सुरू केले आहे.
दहावीच्या निकालापूर्वीच परीक्षेच्या आसन क्रमांकाच्या आधारे विद्यार्थी आपली प्रवेश नोंदणी करू शकतात. ही प्रक्रिया ३० जून पर्यंत चालणार असून, इच्छुक विद्यार्थ्यांनी प्रवेशाकरिता कॉलेजला प्रत्यक्ष भेट द्यावी, असे आवाहन प्रा. गजानन भोसले यांनी केले आहे. भोसले पॉलिटेक्निक हे संपूर्ण कोकणातील एन.बी.ए. (National Board of Accreditation) मानांकित अभ्यासक्रम उपलब्ध असलेले एकमेव तंत्रनिकेतन आहे. या ठिकाणी मेकॅनिकल इंजिनिअरिंग, इलेक्ट्रिकल इंजिनिअरिंग, कॉम्प्युटर इंजिनिअरिंग व सिव्हील इंजिनीअरिंग हे अभ्यासक्रम उपलब्ध आहेत. कॉलेजचा ट्रेनिंग व प्लेसमेंट सेल अतिशय कार्यक्षम असून, मागील पाच वर्षांत ७०० पेक्षा जास्त विद्यार्थ्यांना कॅम्पस इंटरव्ह्यूद्वारे नोकरी मिळवून देण्यात यशस्वी झाला आहे. कॉलेजमध्ये सर्व प्रकारच्या शासकीय फी सवलती उपलब्ध असून, आवश्यक कागदपत्रे व इतर माहितीसाठी कॉलेजचे प्रवेश प्रक्रिया प्रमुख प्रा. दीपक पाटील किंवा जनसंपर्क अधिकारी नितीन सांडये यांच्याशी संपर्क साधावा, असे आवाहन केले आहे.
..................