चिपळूण : कुंभार्ली घाटातील अपघात प्रकरणी भिसेवर गुन्हा

कुंभार्ली घाटातील अपघातप्रकरणी भिसेवर गुन्हा

चिपळूण, ता. १५ ः कुंभार्ली घाटातील अपघातप्रकरणी मृत अभियंता शंकर दिनकर भिसे (वय ५६) यांच्यावर गुन्हा दाखल झाला आहे. शिरगाव पोलिसांनी या प्रकरणी हा गुन्हा दाखल केला आहे. अभियंता शंकर भिसे व सहप्रवासी अश्विनी दिग्विजय रासकर (रा. मंगळवार पेठ, सातारा) हे कराडहून चिपळूणकडे येत होते. ते पोफळी येथे आले असता, भिसे यांना त्यांच्या ऑफिसमध्ये बैठक असल्याचा फोन आला. म्हणून ते परत पोफळीहून कराडच्या दिशेने कुंभार्ली घाटातून निघाले. कराडकडे जात असताना गाडी घाटामध्ये अतीवेगाने चालवल्यामुळे गाडीवरील त्यांचा ताबा सुटला आणि एका वळणावर गाडी दरीत जाऊन कोसळली. यामध्ये सहप्रवासी महिला जखमी झाली असून त्यांनी शिरगाव पोलिसात खबर दिली. त्यानुसार मृत भिसे यांच्यावर गुन्हा दाखल केला आहे.