कोलगाव येथे दुचाकीला अपघात

swt1635.jpg
29755
कोलगावः कोकण कॉलनी रस्ता चिखलमय झाला आहे.

कोलगाव येथे दुचाकीला अपघात
सावंतवाडीः कोलगाव कोकण कॉलनी परिसरातून जाणाऱ्या रस्त्यावर मोठ्या प्रमाणात खड्डे पडल्याने तेथे टाकलेल्या दगड आणि मातीचा भराव टाकला होता. त्यामुळे तेथे निर्माण झालेल्या चिखलात घसरून दुचाकीला अपघात झाला. ही घटना आज सायंकाळी मोठ्या प्रमाणात पडलेल्या पावसानंतर घडली. त्याबाबतची माहिती शिवसेना जिल्हा संघटक शब्बीर मणियार यांनी दिली. कोकण कॉलनीतून पुढे वेंगुर्ले-बेळगाव रस्त्याला जोडणाऱ्या मार्गावर मोठ्या प्रमाणात खड्डे पडल्याने त्या ठिकाणी संबंधित प्रशासनाने दगड आणि माती टाकून खड्डे बुजविले होते; मात्र गुरुवारी सायंकाळी पडलेल्या मुसळधार पावसामुळे तेथे दलदल निर्माण होऊन त्या मार्गाने येणार्‍या काही दुचाकींना अपघाताला सामोरे जावे लागले. यात काहीजण जखमी झाल्याने त्यांना शिवसेनेचे जिल्हा संघटक मणियार यांनी उपचारांकरिता उपजिल्हा रुग्णालयात हलविले. प्रशासनाकडून करण्यात आलेल्या या प्रकाराबाबत वाहन चालक तसेच ग्रामस्थांमधून तीव्र नाराजी व्यक्त केली जात आहे.