वेंगुर्ले तालुक्यात दमदार पाऊस

32808
वेंगुर्ले ः पावसामुळे नदीच्या पाणी पातळीत झालेली वाढ.

वेंगुर्ले तालुक्यात दमदार पाऊस
वेंगुर्ले, ता. ३० ः तालुक्यात कालपासून पावसाने पुन्हा जोरदार सुरुवात केली. यामुळे ठिकठिकाणी नदी ओहोळांच्या पाण्याच्या पातळीत वाढ झाली असून शेतीच्या कामांना वेग आला आहे.
तालुक्यात गेले दोन दिवस पावसाने जोरदार हजेरी लावली. सकाळपासून जोरदार पावसाने सुरुवात केल्याने ग्रामीण भागात ठीकठिकाणी खाडी, नदी, ओहोळांच्या पाण्याच्या पातळीत वाढ झाली आहे. या पावसामुळे शेतकरी राजा सुखावला आहे. भात लावणीच्या कामांनाही वेग आला आहे. कृषी विभागामार्फत ठिकठिकाणी श्री पद्धतीने भात लागवडीची प्रत्यक्षिकेही घेण्यात येत आहेत. या पावसामुळे तालुक्यात कोणताही प्रकारची आपत्तीच्या घटना घडल्या नसून तालुक्यात ४२ तासांत ७९.२० मिलीमीटर तर आतापर्यंत एकूण ८७२.०६ मिलीमीटर पावसाची नोंद झाल्याची माहिती तहसील विभागाकडून मिळाली.