कणकवली : झाड कोसळले

33826
सांगवे : येथील मार्गावर झाड कोसळल्‍याने ठप्प झालेली वाहतूक.

झाड कोसळल्यामुळे
सांगवेत वाहतूक ठप्प
कणकवली, ता.५ : कणकवली नरडवे रोडवर सांगवे येथे आज सकाळी अकराच्या सुमारास झाड पडल्याने दोन्ही बाजूची वाहतूक ठप्प झाली. नरडवे रस्त्यावर सांगवे हवामान केंद्राजवळ ही घटना घडली. काल (ता.४) देखील या रस्त्यावर झाड पडल्याने वाहतूक विस्कळीत झाली होती. आज पुन्हा जवळपास तासभर नरडवे मार्गावर दोन्ही बाजूंनी वाहनांच्या रांगा लागल्‍या होत्या. भाजप पदाधिकारी सुरेश सावंत यांनी सार्वजनिक बांधकाम विभागाशी संपर्क साधून या घटनेची माहिती दिली. त्‍यानंतर स्थानिक नागरिकांच्या सहाय्याने बांधकाम विभागाकडून रस्त्यावरील झाड बाजूला केले.