कनेडी हायस्कूलमध्ये वृक्षारोपण

34028
कनेडी ः येथील हायस्कूल परिसरात वृक्षारोपण करताना सतीश सावंत. शेजारी गणपत सावंत, सुमंत दळवी आदी.

कनेडी हायस्कूलमध्ये वृक्षारोपण
कनेडी ः येथील माध्यमिक विद्यामंदिर आणि प्रशालेच्या आवारात वृक्षारोपण करण्यात आले. कनेडी गट शिक्षण प्रसारक मंडळाच्या चार जुलैच्या ६८व्या वर्धापन दिनाचे औचित्य साधून संस्थेचे अध्यक्ष सतीश सावंत यांच्या हस्ते वृक्षारोपण करण्यात आले. यावेळी खजीनदार गणपत सावंत, माजी मुख्याद्यापक राजाराम सावंत, प्राचार्य सुमंत दळवी आदी मान्यवर उपस्थितीत होते. संस्थेचा वर्धापन दिन येथे १० जुलैला साजरा होणार असून यावेळी खासदार विनायक राऊत हे उपस्थित राहणार आहेत. या कार्यक्रमांमध्ये गुणवंत विद्यार्थ्यांचा सत्कार केला जाणार आहे. शिक्षण संस्थेच्या स्थापनेला ८६ वर्षे झाले असून वर्धापन दिनाचा कार्यक्रम १० जुलैला संस्था सभागृहात सकाळी दहाला होणार आहे.