पावसामुळे तालुक्यात 2 लाख 93 हजाराचे नुकसान

संगमेश्वर तालुक्यात पावसामुळे
सुमारे तीन लाखाचे नुकसान
देवरूख, ता. ६ ः मुसळधार कोसळणाऱ्या पावसामुळे कांजिवरा, काटवली, पुर्येतर्फ देवळे येथे २ लाख ९३ हजार २०० रुपयांचे नुकसान झाल्याची नोंद देवरूख तहसील कार्यालयात बुधवारी केली आहे. गेले चार दिवस संगमेश्वर तालुक्यात मुसळधार पाऊस कोसळत आहे. बुधवारी पुर्येतर्फे देवळे येथील निर्मला श्रीपत मोरे यांच्या घरावर झाड कोसळून १ लाख ३१ हजार १०० रुपयांचे नुकसान झाले आहे. देवरूख कांजीवरा येथील जिल्हा परिषद शाळेची मुतारी व शौचालय खचून १ लाख ५० हजार व काटवली येथील मालू बाबू वरक यांच्या घराचे १२ हजार २०० रुपये नुकसान झाल्याची माहिती देवरूख तहसील कार्यालयातून प्राप्त झाली आहे. या घटनेचा पंचनामा महसूल विभागाच्यावतीने केला आहे.