२

आगरवांयगणीत कृषी
तंत्रज्ञान प्रसारासाठी चर्चासत्र
दाभोळ ः कृषी तंत्रज्ञान प्रसारासाठी आगरवायंगणी येथे चर्चासत्राचे आयोजन करण्यात आले होते. कृषी पर्यवेक्षक सुभाष अबगुल यांनी महिला सक्षमीकरणाचे महत्व पटवून दिले. आत्मा तालुका तंत्रज्ञान व्यवस्थापक गणेश कोरके यांनी महिलांना सक्षमीकरण करताना त्यांचे छोटे छोटे गट बनवून काम केले तर निश्‍चितच त्यातून आपल्याला आर्थिक स्थैर्य मिळू शकते असे सांगितले. पोलिस पाटील विजय महाडिक यांनी महिलांनी या उपक्रमात सहभागी होऊन फायदा घ्यावा, असे आवाहन केले. संतोष आंबेकर यांनीही मार्गदर्शन केले. या वेळी कृषी अधिकारी जय मेटे, महिला गटाच्या सीआरपी विशाखा महाडिक आदी उपस्थित होते.